News
Լրահոս
News
Երկուշաբթի
Սեպտեմբեր 23
USD
476.13
EUR
525.98
RUB
7.47
ME-USD
0.08
Տեսնել լրահոսը


Դատավարությունը փորձում են շոուի վերածել։ Այս մասին այսօր՝ սեպտեմբերի 12-ին, Երեւանի ընդհանուր իրավասության դատարանի Շենգավիթի նստավայրի մոտ, ՀՀ երկրորդ նախագահ Ռոբերտ Քոչարյանի դատավարության ավարտից հետո լրագրողների հետ զրույցում ասաց Ռոբերտ Քոչարյանի որդին՝ Լեւոն Քոչարյանը։

«Չեմ կարող ասել, թե դատարանն ինչպիսի որոշում կկայացնի։ Ինձ համար անհասկանալի է, սեպտեմբերի 17-ին կլինի, չգիտեմ, տեսնենք։ Ինձ համար ակնհայտ է, որ դատավարությունը փորձում են շոուի վերածել, զոհերի տուժողների իրավահաջորդների ծնողներին բերելով՝ նորից շարունակում են այն հուզական ֆոնը պահել, ինչ որ 10 տարի պահել են։ Երբ մեղադրանքում չկա ոչ մի մեղադրանք թե զոհերի, թե տուժածների հետ կապված, բայց միեւնույն է, այդ հուզական ֆոնը փորձում են պահել»,- ասաց Լեւոն Քոչարյանը։

Նա հույս հայտնեց, որ հաջորդ դատավարությանը ՍԴ-ի որոշումն ի կատար կածվի եւ Քոչարյանն ազատ կարձակվի։

Դիտարկմանը, որ նախորդ անգամ Ռոբերտ Քոչարյանին ազատ արձակելուց հետո դատարանների դռներն էին շրջափակել իշխանության աջակիցները, Լեւոն Քոչարյանն ասաց. «Հույս ունեմ՝ այդ ամենը չի ազդի դատավորի որոշման վրա»։

Նշենք, որ Երեւանի ընդհանուր իրավասության դատարանի Շենգավիթի նստավայրում դատավոր Աննա Դանիբեկյանի նախագահությամբ այսօր կայացավ «Մարտի մեկի» գործով սահմանադրական կարգը տապալելու համար մեղադրվող ՀՀ երկրորդ նախագահ Ռոբերտ Քոչարյանի եւ մյուս նախկին պաշտոնյաների վերաբերյալ գործի քննությունը։ Քոչարյանի պաշտպանները միջնորդություն  ներկայացրեցին ՍԴ որոշման հիմքով վերացնել Ռոբերտ Քոչարյանի խափանման միջոց կալանքը։ Դատարանը հեռացավ խորհրդակցական սենյակ, որոշումը կհրապարակվի սեպտեմբերի 17–ին։

Տպել
Կարդացեք նաև
Ամբողջը
Չեմ ուզենա, որ այդ հաղթանակը գա Ստրասբուրգից. Արմեն Աշոտյանը` Քոչարյանի գործի մասին
Ռոբերտ Քոչարյանի դեպքում մեզ համար գերակա է թե քաղաքական…
Մեր հարցադրումները չեն արվում հումոր անելու կամ ուժեղ տղա երեւալու համար. Արամ Օրբելյան
Անդրադառնալով դատավորին ներկայացվող ինքնաբացարկի միջնորդությանը` Օրբելյանը նշեց…
Հայրս հույս չուներ, որ կարող է փոխվել խափանման միջոցը. Լևոն Քոչարյան
Այն պնդումներին, թե Ռոբերտ Քոչարյանը 2008 թվականի Մարտի 1-ից հետո չի հետաքրրքվել, թե ինչու քրեական գործ չի հարուցվում...
Ռոբերտ Քոչարյանի աջակիցները երթով հասան ԱԱԾ
Եկել ենք ողջունենք մեր նախագահ Ռոբերտ Քոչարյանին...
Գուցե սա զուտ ներքաղաքական պրոցես չէ. Լևոն Քոչարյան
Եթե դատավոր Աննա Դանիբեկյանը այսպիսի որոշումներ է կայացնում, ենթադրաբար իր վրա իշխանության կողմից ճնշումներ կան...
Դատարանը թող սկզբից վիրավորվի մինչեւ դա ասածներից. Ալումյանը` «վնգստացող դատավոր» արտահայտության մասին
«Մեզ մոտ պրակտիկա է, որ բոլորն այդպիսի արտահայտություններով են սկսել դատարանին ընդունել…»