News
Լրահոս
News
Շաբաթ
Հունիս 06
USD
481.74
EUR
546
RUB
7.01
ME-USD
0.03
Տեսնել լրահոսը

Երևան քաղաքի ընդհանուր իրավասության դատարանը՝ դատավոր Հարություն Մանուկյանի նախագահությամբ այսօր՝ սեպտեմբերի 13–ին որոշում կայացրեց բավարարել Քննչական կոմիտեի քննիչի միջնորդությունը և կալանավորելու որոշում կայացնել ՀՀ երրորդ նախագահ Սերժ Սարգսյանի եղբոր՝ փողերի լվացման մեջ մեղադրվող Լևոն Սարգսյանի նկատմամբ։ Այս մասին  NEWS.am–ին հայտնեց Քննչական կոմիտեի դեպարտամենտի տեղեկատվության և հասարակության հետ կապերի վարչության պետ Նաիրա Հարությունյանը։ Այսպիսով, ստացվում է, որ երկու տարբեր քննչական մարմիններում քննվող քրեական գործերով նրա նկատմամբ կալանքի երկու որոշում է կայացվել։

Բանն այն է, որ ՀՔԾ–ում դեռեւս մեկ տարի առաջ հարուցված քրեական գործով, որի շրջանակներում Լեւոն Սարգսյանին մեղադրանք էր առաջադրվել ապօրինի հարստացման եւ հայտարարագրման ենթակա գույքը թաքցնելու մեջ, նրա նկատմամբ արդեն իսկ դատարանը կալանավորման որոշում էր կայացրել։

Իսկ օրեր առաջ «Հյուսիս-Հարավ ճանապարհային միջանցք» ծրագրի մշակման եւ իրագործման գործընթացում թույլ տրված առերեւույթ չարաշահումների դեպքերի առթիվ  հարուցված քրեական գործի շրջանակներում  Լևոն Սարգսյանը և «Պոլիտրանսպորտ» ընկերության սեփականատերեր Սուրեն եւ Գեւորգ Վարդանյանները որպես մեղադրյալ են ներգրավվել։

Նախաքննության ընթացքում ձեռք բերված բավարար ապացույցների հիման վրա որոշում է կայացվել Լյովա Սարգսյանին ՀՀ քրեական օրենսգրքի 190-րդ հոդվածի 3-րդ մասի 1-ին կետով  (Հանցավոր ճանապարհով ստացված խոշոր չափերի գույքն օրինականացնելը՝ փողերի լվացում) եւ 311-րդ հոդվածի 4-րդ մասի 2-րդ կետով (Առանձնապես խոշոր չափերով կաշառք ստանալը) եւ որոշում կայացվել նրան որպես մեղադրյալ ներգրավելու մասին։ Սարգսյանի  նկատմամբ հայտարարվել է հետախուզում։

Հավելենք, որ ներկայումս տարբեր քրեական գործեր են քննվում նաեւ Լևոն Սարգսյանի որդու եւ դուստր` Նարեկ եւ Անի Սարգսյանների, ինչպես նաև Սերժ Սարգսյանի մյուս եղբոր՝ Ալեքսանդր Սարգսյանի եւ նրա որդիների մասով։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գավառում տեղի ունեցած դեպքերով հայտնի է մեկ տասնյակից ավելի նորատուսցիների ինքնություն. կան կալանավորվածներ
ՀՀ ոստիկանության քրեական ոստիկանության գլխավոր վարչության, ՀՀ քննչական կոմիտեի ՀԿԳ քննության գլխավոր վարչության, Գեղարքունիքի մարզային քննչական վարչության, ոստիկանության Գեղարքունիքի…
Ալաբամայում այրված տանը 7 դի են հայտնաբերել
Կասկածյալներ դեռ չկան:
Թբիլիսիում իր բնակարանի պատուհանից կրակոցներ արձակած տղամարդու են ձերբակալել
Մի քաի ժամ տեւած բանակցությունների արդյունքում տղամարդը հանձնվել է իրավապահներին...
Բերման են ենթարկել մի քանի երիտասարդի. Նրանց մոտ եղել է մարիխուանա եւ ատրճանակ
Թալինի ոստիկանները ապօրինի գազային ատրճանակ ու մարիխուանա են հայտնաբերել...
83-ամյա կինը որոնվում է որպես անհետ կորած
Նրա գտնվելու մասին տեղեկություն ունեցողներին խնդրում ենք դիմել մոտակա կամ Չարենցավանի բաժին...
Արգավանդի խաչմերուկի մոտակայքում իրար են բախվել «Pajero» և «Honda» մակնիշների ավտոմեքենաները․ տուժածներ չկան
Բախվել են «Pajero» և «Honda» մակնիշների ավտոմեքենաները, ինչի հետևանքով «Pajero» մակնիշի ավտոմեքենան հայտնվել է Կենտրոնական փողոցի թիվ 1 տան բակում…
Ամենաշատ