Ամերիկայի Հայ դատի հանձնախմբի (ANCA) առաջնորդներն ավարտել են «Ի պաշտպանություն քրիստոնյաների» (In Defense of Christians - IDC) կազմակերպության ներկայացուցիչների հետ երկօրյա համաժողովը՝ նվիրված Մերձավոր Արեւելքի կրոնական համայնքների անվտանգության ապահովման հարցին, փոխանցում է ANCA-ն:

ANCA-ի գործադիր տնօրեն Արամ Համբարյանի խոսքով՝ IDC-ն Ամերիկայի պատասխանն  է Հայոց ցեղասպանության պաշտոնական ճանաչման առնչությամբ ԱՄՆ-ի հարյուրամյա անտարբերությանը: 

Համբարյանը հանդես է եկել Արցախի Հանրապետության ազատության աջակցությամբ եւ պահանջել դադարեցնել ԱՄՆ-ի մասնակցությունը Ցեղասպանության հերքմանը: Միջազգային կրոնական ազատության հարցերով ԱՄՆ դեսպան Սեմ Բրաունբեքն ընդգծել է վարչակազմի հանձնառությունը կրոնական ազատության պաշտպանության  հարցում:

Ամերիկացի կոնգրեսական Ջեֆ Ֆորթենբերին, իր հերթին, նշել է. «Ես հպարտ եմ, որ հայ եմ»: Նրա խոսքով՝ իր համար ցավալի է խոսել այն մասին, որ Կոնգրեսը դեռեւս չի ճանաչել Հայոց ցեղասպանությունը:

Հայ առաքելական եկեղեցու ԱՄՆ արեւելյան թեմի առաջնորդական տեղապահ Անուշավան արքեպիսկոպոս Տանիելյանը աղոթել է IDC-ի գործունեության համար:

Համաժողովի երկրորդ օրը Համբարյանը նշել է հայ-ամերիկյան քաղաքականության առաջնահերթությունները: