News
Լրահոս
News
Շաբաթ
Հունվար 18
USD
479.61
EUR
533.71
RUB
7.81
ME-USD
0.06
Տեսնել լրահոսը

Սեպտեմբերի 12-ի ՀՀ կառավարության նիստում հավանության արժանացած «ՀՀ քրեական դատավարության օրենսգրքում լրացում կատարելու մասին» ՀՀ օրենքի նախագիծը չի մեղմացնում բանկային գաղտնիքի պահպանման գործող ռեժիմը: Այս մասին պարզաբանում է տարածել ՀՀկենտրոնական բանկը:

Պարզաբանման մեջ նաեւ ասվում է.

«Ինչպես գործող օրենքով, այնպես էլ առաջարկվող փոփոխություններն ուժի մեջ մտնելուց հետո, բանկային գաղտնիք պարունակող տեղեկությունները տրամադրվելու են բացառապես դատարանի որոշմամբ: Նախագծով ընդամենը սահմանվում է, որ բացառիկ դեպքերում կասկածյալի կամ մեղադրյալի բանկային հաշիվներից բացի, կարող են տրամադրվել հանցագործության հետ ուղիղ առնչություն ունեցող այլ հաշվի վերաբերյալ բանկային գաղտնիք պարունակող տեղեկություններ ստորեւ նշվող բոլոր պայմանների միաժամանակյա բավարարմամբ.

Բացառապես դատարանի պատճառաբանված եւ հիմնավորված որոշմամբ,

Սահմանափակ հանցագործություններով հարուցված քրեական գործերով, որոնք սպառիչ թվարկված են նախագծում,

Երբ բանկային գաղտնիք պարունակող տեղեկությունները ողջամտորեն այլ եղանակով ձեռք բերելը հնարավոր չէ,

Գլխավոր դատախազի կամ վերջինիս տեղեկալի կողմից հաստատված միջնորդությամբ,

Միջնորդությունը պետք է պարունակի ծանրակշիռ, քրեական գործի նյութերից բխող վերաբերելի, արժանահավատ եւ բավարար տվյալներ այն մասին, որ բանկային գաղտնիք կազմող տեղեկություններն անհրաժեշտ են գործով էական նշանակություն ունեցող հանգամանքները պարզելու համար: 

Բանկային գաղտնիքի ինստիտուտը եղել եւ մնում է ֆինանսական կայունության հենասյուներից մեկը, իսկ նախատեսվող կարգավորումը գործող կարգավորման համեմատությամբ մեղմացում չէ։

Կենտրոնական բանկը հաստատակամ է բանկային գաղտնիքի ինստիտուտի պահպանման, ինչպես նաեւ երկրում ֆինանսական կայունության ապահովման գործում»:

Տպել
Կարդացեք նաև
Ամբողջը
Հայաստանում հնարավոր կլինի բանկում մեկ օրով ավանդ բացել եւ դրա համար փող ստանալ. քննարկում հանձնաժողովում
Արդարության վերականգնման կոչ...
Ավստրալիական բանկն անտառային հրդեհներից առաջացած վնասի չափը գնահատել է 3,5 մլրդ դոլար
«Հունվարի 10-ի դրությամբ Ավստրալիայի ապահովագրական ընկերություններ ներկայացվել է 10,55 հազար հայց՝ ընդհանուր առմամբ շուրջ 939 մլն ավստրալիական դոլար (645,6 մլն ԱՄՆ դոլար) ապահովագրական արժեքով...
Բանկային համակարգում հնարավոր խնդիրների վերաբերյալ մտահոգություններն անհիմն են. Ջավադյան
Տարեմուտի ընդունելություն Կենտրոնական բանկում...
Ամերիաբանկը ներկայացնում է առաջնային շուկայից հիփոթեքային վարկավորման միասնական հարթակ
Հարթակն ունի բազմաբնույթ հնարավորություններ: Փնտրելով իրենց նախընտրելի անշարժ գույքն այս հարթակից...
Ամերիկացին բանկ է թալանել եւ ցփնել փողերը՝ երջանիկ Սուրբ ծնունդ մաղթելով
Բանկ թալանած ամերիկացին փողերը շաղ է տվել փողոցում...
ՀՀ տնտեսական կատարողականն ուժեղ է առողջ աճով, ցածր գնաճով, կայուն ֆինանսական համակարգով. ԱՄՀ
Հայաստանի տնտեսական ցուցանիշներն ուժեղ են առողջ աճով, ցածր գնաճով, կայուն ֆինանսական համակարգով եւ բարելավվող արտաքին ու հարկային բուֆերներով...
Ամենաշատ