News
Լրահոս
News
Երկուշաբթի
Սեպտեմբեր 16
USD
476.18
EUR
528.61
RUB
7.41
ME-USD
0.1
Տեսնել լրահոսը

Մ7 - Մեծ Պարնի - Ծաղկաբեր 6.85 կմ երկարությամբ ճանապարհահատվածում լայն թափով ընթանում են շինարարական աշխատանքները։ Կենսական նշանակության ճանապարհացանցի բարելավման ծրագրի (լրացուցիչ ֆինանսավորման 3-րդ տարի) շրջանակներում վերականգնվող այս տեղամասում շինարարական աշխատանքները մեկնարկել են հունիսի սկզբին, եւ անցած ամիսներին արձանագրվել է կատարված աշխատանքների մեծ առաջընթաց։ Կապալառու կազմակերպության՝ «Ճանապարհ» ՍՊԸ-ի տնօրեն Էդուարդ Բեզոյանը նշեց, որ թեեւ, ըստ պայմանագրի, աշխատանքների վերջնաժամկետը 2020թ. գարնանն է, սակայն նախատեսում են ճանապարհի վերականգնումն ավարտել մինչեւ այս տարվա նոյեմբեր ամիսը։

Ճանապարհի վերականգնման աշխատանքների պատվիրատուի՝ «Տրանսպորտային ծրագրերի իրականացման կազմակերպություն» ՊՈԱԿ-ի ներկայացուցիչները պարբերաբար այցելում են շինարարական տեղամաս՝ դիտարկելու շինարարության ընթացքը, կապալառուի հետ քննարկելու աշխատանքների առաջընթացը, առաջացած հարցերը, դրանց լուծման ուղիները եւ այլն։

Տարվող աշխատանքները տեղում մշտապես վերահսկում է շինաշխատանքների նկատմամբ տեխնիկական հսկողություն իրականացնող կազմակերպության՝ գերմանական «Կոքս Քնսալթ ԳՄԲՀ» ընկերության ներկայացուցիչը։ «Կոքս Քնսալթ ԳՄԲՀ»-ի տեխնիկական հսկիչ Կամո Անտոնյանը նկատում է, որ ներկա պահին շինարարը սկսել է ճանապարհի ասֆալտապատումը, զուգահեռ կատարվում են նաեւ այլ աշխատանքներ։ Ըստ նրա՝ շինարարությունն ընթանում է ըստ նախատեսվածի, իրենց կողմից կա մշտական վերահսկողություն։

Ճանապարհի շինարարության մեջ ներգրավված են հիմնականում տեղի բնակավայրերի՝ Մեծ Պարնիի եւ Ծաղկաբերի բնակիչներ։ Արսեն Քալամյանը Ծաղկաբերից է, ասում է, որ ճանապարհի վերականգնման ծրագիրը ոչ միայն բարեկարգում է իրենց գյուղը, այլեւ շատերին ապահովել է աշխատանքով։ Արսեն Քալամյանը, որ տվյալ պահին զբաղված էր ծրագրի շրջանակներում վերակառուցվող երեք կամուրջներից մեկի վերանորոգման աշխատանքներով, համոզված ասում է, որ տեղի բնակիչներն ավելի սրտացավությամբ կաշխատեն իրենց սպասարկող ճանապարհի վերականգնման համար։

Մեծ Պարնիի դպրոցի «ֆիզիկական կուլտուրա» առարկայի ուսուցիչ Արմեն Մելքոնյանն էլ նշում է, որ 21-րդ դարում բարեկարգ ճանապարհ ունենալն ուղղակի անհրաժեշտություն է։ Այն հաղորդակցման միջոց է, եւ վերականգնված ճանապարհը կհեշտացնի գյուղացիների կյանքը։ Նա նաեւ խնդրեց, որպեսզի շինաշխատանքներից հետո դպրոցի մոտ իրականացվեն ճանապարհի անվտանգության ապահովման միջոցառումներ։ Պատասխանատուները տեղեկացրին, որ դպրոցների հարակից տարածքների անվտանգության տարրերով կահավորումն արդեն իսկ ներառված է Կենսական նշանակության ճանապարհացանցի բարելավման ծրագրի շրջանակներում։

Տպել
Կարդացեք նաև
Ամբողջը
Վերին Լարսի անցակետը գիշերը փակ է լինելու
Սպասվող անհարմարությունները պայմանավորված են Վերին Լարսի անցակետի տեղեկատվական համակարգերում կատարվող աշխատանքներով...
Մենք ճանապարհի ցուցանակները տեղադրում ենք, մարդիկ տանում ձյուն են մաքրում կամ որպես թոնրի կափարիչ օգտագործում. Պապիկյան
Մենք ոնց էլ լինի, չենք կորի, դա տուրիստների համար է...
Այս տարի ռեկորդային թիվ ենք ունենալու ճանապարհաշինության ոլորտում. Ավինյանը թվեր ներկայացրեց
Մինչեւ 2023 թվականի մեր պլանն այն է, որ լինելու է նվազագույն 2500 կմ միջպետական եւ հանրապետական ճանապարհ...
Մ6-ի՝ Ալավերդի քաղաքով անցնող հատվածում կատարվում են ճանապարհի սպասարկման աշխատանքներ
Միաժամանակ կապալառու կազմակերպությունը՝ «ԱԱԲ Պրոեկտ» ՍՊԸ-ն, գրեյդերով և տեխնիկական այլ միջոցներով կատարում է ճանապարհի պրոֆիլավորում…
Նախատեսվում է ճանապարհային ակտիվների կառավարման համակարգի տեղեկատվական բազայի ստեղծում
Հանրապետության 7443 կմ ճանապարհների վրա կատարվել են ճանապարհային պատվածքի երթեւեկելի մասի հարթության գործակցի եւ երթեւեկության ինտենսիվության չափումներ...
Քաջարան-Մեղրի ճանապարհը ծանրաքարշ եւ կցորդիչով մեքենաների համար մինչեւ նոյեմբերի 10-ը փակ է լինելու
Կատարվում են շինարարական աշխատանքներ...