News
Լրահոս
News
Կիրակի
Սեպտեմբեր 22
USD
476.13
EUR
525.98
RUB
7.47
ME-USD
0.08
Տեսնել լրահոսը

Լոնդոնի Թագավորական քոլեջի ինժեներները ստեղծ ել են մի ռոբոտ, որը կարող է տեղափոխվել ինչպես թռչող ձուկ, հայտնում է Science Robotics-ը։

Ռոբոտը շարժվում է ոչ մեծ պոմպի օգնությամբ, որը ջուր է մղում հատուկ կամերայի մեջ, որտեղ կալցիումի կարբիդի հետ քիմիական ռեակցիա է տեղի ունենում։ Արդյունքում ստեղծվում է գազի շիթ, որը հրում է նրան ջրից եւ թույլ է տալիս միանգամից 26 մ թռչել։ Ինչպես նշում են գիտնականները, 160 գ քաշով ռոբոտը կարող է գեներացնել մի ուժ, որով իր սեփական քաշը 25 անգամ գերազանցող իրեր կբարձրացնի։ Հենց դրա շնորհիվ է նա կարողանում պոկվել ջրի մակերեւույթից եւ թռչել նույնիսկ բարձր ալիքների վրայով։

Իր արտաքին տեսքով եւ շարժման ձեւով ռոբոտը նման է թռչող ձկան, որը պոչով ուժեղ հարվածների օգնությամբ դուրս է ցատկում ջրից եւ թեւածում օդում՝ օգտագործելով իր լայն կրծքային լողակները։ Թռչող ձկների թռիչքի բարձրությունը կարող է հասնել 5 մ-ի, իսկ հեռավորությունը մինչեւ 50 մ-ի։

Ռոբոտին կարելի է օգտագործել աղտոտվածության մակարդակը որոշելու նպատակով ջրի նմուշ վերցնելու համար։ Ինչպես The Independent-ին խոստովանել է ինժեներ Միրկո Կովաչը, ամենադժվար խնդիրը «այդքան փոքր ռոբոտին ստիպելն էր, որ ջրի մակերեւույթից պոկվի»։

Գիտնականները ռոբոտին փորձարկել են լաբորատորային պայմաններում։ Այժմ ինժեներները ծրագրում են թեսթավորել նրան օվկիանոսում՝ մարջանի խութերի եւ ծովային նավթահարթակների շրջանում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Financial Times. Google-ը հայտնել է աշխարհում ամենահզոր քվանտային համակարգչի ստեղծման մասին
Նրանք կանխատեսում են, որ քվանտային համակարգիչների հզորության մեծացումը բազմատիկ կմեծացնի Գորդոն Մուրի օրենքում նշված պրոգրեսիայի ցուցանիշները…
Huawei ընկերությունը ներկայացրել է նոր ֆլագմանային հեռախոս՝ առանց Google-ի ծառայությունների
Չինացի արտադրողները չեն մոռացել այսօր այնքան նորաձեւ այնպիսի գործառույթների մասին, ինչպես դեմքերի ճանաչումը եւ արագ լիցքավորումը…
Microsoft-ը ԱՄՆ նախագահական ընտրություններից առաջ Windows 7-ի համար անվտանգության համակարգի անվճար թարմացում կտրամադրի
Հին ծրագրային ապահովումը չի կարող երաշխավորել անվտանգության նույն մակարդակը, ինչ ժամանակակից օպերացիոն համակարգերը…
Facebook-ը դադարեցրել է տասնյակ հազարավոր հավելվածների աշխատանքը՝ կապված Cambridge Analytica-ի շուրջ սկանդալի հետ
Ըստ ընկերության հայտարարության՝ այս ոչ բոլոր հավելվածներն են օգտատերերին սպառնալիք ներկայացնում…
Facebook-ը չի հրաժարվում Libra-ն թողարկել՝ չնայած ճնշումներին
Սոցիալական ցանցերի հսկայի նախագիծը կրիպտոարժույթ եւ մեյնսթրիմ ներգրավելու փորձ է: Libra-ն ապահովված կլինի իրական ակտիվների պաշարով՝ ներառյալ բանկային դեպոզիտներն ու կարճաժամկետ պետական արժեթղթերը…
Libra-ն կարող է անզսպելի լինել. փորձագետ
Դժվար թե որեւէ մեկը կարողանա արգելել մարդկանց կրիպտոարժույթ գնել...