ՀՀ վարչապետ Նիկոլ Փաշինյանը Սեւանում մասնակցում է ձկան փառատոնին:
Նա փառատոնին ժամանել է տիկնոջ` Աննա Հակոբյանի եւ դուստրերի հետ:
Փաշինյանը շրջեց տաղավարներով, սելֆի արեց փառատոնի մասնակիցների հետ, նաեւ ելույթ ունեցավ փառատոնին:
Նշենք, որ փառատոնը կազմակերպել են Գեղարքունիքի մարզպետ Գնել Սանոսյանը եւ «Ռեստորանների հայկական միություն»-ը: Ձկան փառատոնն իր բովանդակությամբ մարզում առաջին անգամ է կազմակերպվում՝ հավակնելով ձեռք բերել ամենամյա միջազգային հնչեղություն:
Միջոցառման ընթացքում առանձին տաղավարներով կներկայացվեն ձկնեղենից պատրաստված զանազան կերակրատեսակներ, կլինեն համտեսի, վաճառքի եւ տարբեր անվանակարգերի մրցութային արարողություններ: Տոնակատարությունը կուղեկցվի ազգային երգ ու պարով, մշակութային այլ համարներով ու կեզրափակվի հրավառությամբ: