Հոնկոնգում հարյուրավոր ցուցարարներ երգել են «Աստված, պահպանիր թագուհուն» օրհներգը Բրիտանիայի հյուպատոսության շենքի դիմաց՝ պահանջելով նախկին գաղութային տերությունից Չինաստանի կողմից քաղաքի ազատության երաշխիքները, հաղորդում է Reuters-ը:
Քաղաքը, որը Չինաստանի տարածքի մասն է, բազում շաբաթների ընթացքում ցնցում են երբեմն բավականին բռնի բողոքի ցույցերը:
Ինչպես նշում է գործակալությունը, ցուցարարները դեմ են քաղաքի գործերում Պեկինի միջամտությանը՝ չնայած այդ տարածքի ինքնիշխանությունը պահպանելու խոստմանը:
«Մեկ երկիր, երկու համակարգ» սկզբունքը չի գործում»,-բղավել են ցուցարարները՝ թափահարելով բրիտանական դրոշներով:
«Ազատագրե′ք Հոնկոնգը»,-վանկարկել են մյուսները:
Երիտասարդ ցուցարարների եւս մեկ խումբ ներկայացել է Հոնկոնգի բնակիչների արտասահմանյան անձնագրերում կանոնների փոփոխություն օգտին, որոն համաձայն՝ այժմ նրանք իրավունք ունեն ժամանել Մեծ Բրիտանիա տարվա մեջ ընդամենը 6 ամսվա կտրվածքով:
1842 թվականին Հոնկոնգը դարձել էր Մեծ Բրիտանիայի գաղութ, եւ միայն 1997 թվականին Չինաստանի Ժողովրդական Հանրապետությունը ձեռք էր բերել ինքնիշխանություն այդ տարածքի համար: Ներկայումս Հոնկոնգն ու Չինաստանը գոյակցում են «մեկ երկիր, երկու համակարգ» սկզբունքով:
Ի սկզբանե Հոնկոնգում բողոքի ակցիաները կապված էին ցանր հանցանք գործած հանցագործների արտահանձնման մասին օրենքը քաղաքում չընդունելու հետ:
Ավելի ուշ Չինաստանը մեղադրել էր արտասահմանյան ուժերին, մասնավորապես, ԱՄՆ-ին ու Մեծ Բրիտանիային, Հոնկոնգում ցույցերը հրահրելու մեջ՝ հայտարարելով, որ քաղաքում կայացվող որոշումները Չինաստանի ներքին գործն է:
