News
Լրահոս
News
Ուրբաթ
Հոկտեմբեր 18
USD
476.43
EUR
529.69
RUB
7.45
ME-USD
0.08
Տեսնել լրահոսը

Մկրտության մեծ արարողություն, հսկայական էներգետիկայով եւ մեծ խորհրդով՝ ապրիլյան պատերազմի մասնակիցների եւ նրանց ընտանիքների անդամների մասնակցությամբ։ Այս մասին ֆեյսբուքյան իր էջում գրել է ԱՀ Նախագահի անվտանգության հարցերով խորհրդական Տիգրան Աբրահամյանը։

«Ընտանիքներ, պատերազմի մասնակիցներ, ովքեր իրենց ավագ ընկերների հետ պատմություն կերտեցին։

Նրանք այսօր էլ իրենց ակտիվությամբ մեր կյանքին նոր իմաստություն են փոխանցում»,–նշել է նա։

Մկրտության արարողությանը ներկա են եղել ԱՀ նախագահ Բակո Սահակյանը, Արցախի ՊԲ հրամանատար Կարեն Աբրահամյանը, ԱՀ ոստիկնապետ Լեւոն Մնացականյանը, ԱՀ անվտանգության խորհրդի քարտուղար Արշավիր Ղարամյանը եւ ուրիշներ։

Ավելի վաղ հայտնել ենք, որ Խաչվերաց տոնին՝ սեպտեմբերի 15-ին, Շուշիի Սուրբ Ամենափրկիչ Ղազանչեցոց եկեղեցում տեղի կունենա Ապրիլյան պատերազմում զոհված հերոսների երեխաների, քույրերի ու եղբայրների, հերոսների անունները կրող հարազատների մկրտության արարողություն:

Կնքահայրերը լինելու են զոհված հերոսների մարտական ընկերները, ապրիլյան մարտական գործողությունների մասնակիցները: Արարողությունը սկսվելու է 13:00-ին: Մկրտությունը կկատարվի Արցախի թեմի առաջնորդ Պարգեւ արքեպիսկոպոս Մարտիրոսյանի օրհնությամբ: Մկրտությունից հետո տեղի է ունենալու մատաղի արարողություն։

!
Այս նյութը հասանելի է նաև   English and Русский
Տպել