Ամերիկյան Ալաբամա նահանգի հետաքննիչները նոր ապացույցներ են հայտնաբերել, որոնք կօգնեն բացահայտել 22 տարի առաջ կատարված դաժան սպանությունը, հաղորդում է Fox News-ը:
Արական սեռի զոհի ոտքերը կապված էին, եւ բացակայում էին դիի գլուխը, ձեռքերը, սիրտն ու փայծաղը:
Անցած շաբաթ Մարշալ շրջանի շերիֆի գրասենյակը հրապարակել էր կասկածյալի ֆոտոռոբոտը եւ փնտրում էր տեղեկատվություն, որը կօգներ հաստատել զոհի ինքնությունը:
«Ձեռքերն ու գլուխը կտրված էին, ըստ ամենայնի, զոհի անձը հաստատելու հարցում խոսչընոտ ստեղծելու նպատակով»,-հայտարարել է WHNT-TV հեռուստաալիքին ավագ հետաքննիչ Քիթ Ուիլսոնը:
Ընդ որում՝ հետաքննիչները հայտարարել են, որ զոհի բացակայող ներքին օրգանները հեռացվել են վիրաբուժական եղանակով, իսկ պատճառների մասին կարելի է դեռեւս միայն գուշակել: Վարկածներից մեկի համաձայն՝ դա արվել էր, որ ոստիկանությունը չկարողանար գտնել զոհի հետքերը:
Անհայտ զոհի մարմինը հայտնաբերվել էր դեռահասի կողմից 1997 թվականին գետի մոտ: Հետաքննությունը համարում է, որ դին այդտեղ նետել էր ինքը՝ մարդասպանը: