News
Լրահոս
News
Հինգշաբթի
Հոկտեմբեր 24
USD
475.99
EUR
528.92
RUB
7.45
ME-USD
0.07
Տեսնել լրահոսը

Համախմբել ուժերը հանուն Ամուլսարի եւ մասնակցել սեպտեմբերի 20-ի երթին: Այս մասին հայտարարություն է տարածել «Սասնա ծռեր« կուսակցությունը:

Հայտարարությունում, մասնավորապես, ասվում է.

«Ամուլսարի հանքի շահագործման հետ կապված կողմ եւ դեմ գործընթացները ցույց տվեցին, որ.

1) հանքի շահագործման լիցենզիան տրվել է միջազգային չափանիշների եւ օրենքի պահանջների խախտմամբ եւ հակասում է դրանց, հանքի շահագործումը Հայաստանի եւ հայության համար առաջացնելու է գոյութենական մասշտաբի աղետալի հետեւանքներ, ինչի գիտակցությամբ ոչ միայն օրենքով ազդակիր համարվող համայնքների բնակիչների, այլեւ ՀՀ քաղաքացիների գերակշիռ մեծամասնությունը դեմ է դրան,

2) այդուհանդերձ, ՀՀ գործող իշխանությունը, նույնիսկ յուրային ժողովրդին մոլորեցնելու եւ օրենքի պահանջները անտեսելու գնով համառորեն փորձում է ապահովել հանքի շահագործումը: Նման իրավիճակում ելքը մեկն է. իշխանության վրա գործադրել նրա համար անհաղթահարելի հանրային ճնշում, որպեսզի նա ստիպված հետ կանգնի իր մտադրությունից եւ. 1) բացահայտի Ամուլսարի հանքի շահագործման լիցենզիայի տրամադրման կոռուպցիոն շղթան ու շահագործող ընկերության կատարած խախտումները, պատասխանատվության կանչի մեղավորներին եւ արգելի հանքի շահագործումը,

3) վերջապես նկատի ունենա, որ Հայաստանում հանքարդյունաբերությունը վաղուց հատել է գոյութենական սպառնալիքի կարմիր գիծը եւ, երկիրը թունավոր անապատի վերածելու միջոցով հեշտ շահույթ ստանալուն եւ կոռուպցիոն շահերը բավարարելուն միտված նախկին հանցավոր ռեժիմի արատավոր եւ ապազգային քաղաքականությունը շարունակելու փոխարեն անհապաղ ձեռնամուխ լինի տնտեսության կառուցվածքի արմատական փոփոխությանը՝ հանքարդյունաբերության ասպարեզում առնվազն սահմանելով հետեւյալ գերակայությունները. - բացառել նոր մետաղական հանքերի, այդ թվում՝ Ամուլսարի, շահագործումը, - սահմանել բնապահպանական միջազգային բարձր նորմեր ու չափանիշներ եւ դրանց համապատասխան գույքագրել առկա հանքարդյունաբերությունը, - դադարեցնել օրենսդրական եւ բնապահպանական նորմերն ու չափանիշները խախտող եւ անվերականգնելի վնասներ հասցնող հանքարդյունաբերությունը, - աստիճանաբար սահմանափակել տնտեսության մեջ մնացյալ հանքարդյունաբերության տեսակարար կշիռը եւ դրա տնտեսական արդյունքն էապես մեծացնել ի հաշիվ տեխնոլոգիական հագեցմամբ արժեքային շղթաների աստիճանական ամբողջացման, որպեսզի հումքի պարզունակ արտահանման փոխարեն Հայաստանն ունենա վերջնական արդյունքի վրա հիմնված արդյունաբերություն:

Նշված նպատակին հասնելու համար անհրաժեշտ է համազգային համախմբում: Բոլոր մտահոգ կուսակցություններին, հասարակական կազմակերպություններին, նախաձեռնություններին, հայտնի գործիչներին, ինչպես նաեւ ՀՀ քաղաքացիներին ու արտերկրի հայությանը կոչ ենք անում միանալ եւ աջակցել Ամուլսարի պայքարին: Հանուն Ամուլսարի եւ Հայաստանի ապագայի մղվող պայքարի հաղթանակի համար կարեւոր նշանակություն ունի ս.թ. սեպտեմբերի 20-ի երթը:

Կոչ ենք անում մոբիլիզացնել բոլոր ռեսուրսները եւ ակտիվ կերպով մասնակցել երթին:

Մենք ենք տերը մեր երկրի»:

Տպել
Կարդացեք նաև
Ամբողջը
Յուրա Իվանյանի մասով ծառայողական քննությունն ավարտվել է. զուտ իրավական առումով խախտում չկա. Հայկ Գրիգորյան
Իրենց ազգակցական կապի աստիճանը նշված չէ, ուստի զուտ իրավական առումով խախտում չկա...
Ե՞րբ է վարչապետը բացահայտելու, թե ովքեր են աջակցում «Լիդիանի» դեմ ապօրինություններին. «Լիդիան Արմենիա»
Դատարանը նշել է, որ Կառավարության պաշտոնյայի՝ նախկինում Ամուլսարի դեմ ծավալած գործունեությունն անաչառության վերաբերյալ կասկած է հարուցում…
«Լիդիան Արմենիայի» ներկայացուցիչը միջնորդեց կասեցնել ջերմուկցիներն ընդդեմ Շրջակա միջավայրի նախարարի գործի վարույթը
Շարունակվեց ջերմուկցիներն ընդդեմ Շրջակա միջավայրի նախարար Էրիկ Գրիգորյանի գործով նախական դատական նիստը...
Եթե ներկայացրել ենք փաստաթուղթ վարչապետին, նշանակում է՝ այդ փաստերը ստուգման կարիք ունեն. Նախարարը՝ Ամուլսարի մասին
Մենք ուսումնասիրել ենք «Էլարդի» տվյալները, նաեւ հարցումներ ենք ուղարկել մի շարք պետական մարմինների, օրինակ «Հիդրոմետ»-ին...
Հանրային խորհրդում քննարկել են Ամուլսարի հարցը. աշխատանքային խումբ է ստեղծվել
Առաջարկ է հնչել, որ ստեղծվող աշխատանքային խումբը զբաղվի ոչ միայն Ամուլսարի հանքի շահագործման, այլեւ առհասարակ Հայաստանում հանքարդյունաբերության ոլորտի հիմնախնդիրներով եւ վերջնական եզրակացությունը...
Բողոքի ակցիա Հանրապետության հրապարակում՝ ընդդեմ Ամուլսարի հանքի շահագործման. Նոտա ընթերցվեց
«Համահայկական Ազգային համաձայնության» շարժման քաղաքական նոտան...
Ամենաշատ