News
Լրահոս
News
Հինգշաբթի
Սեպտեմբեր 24
USD
485.32
EUR
565.06
RUB
6.28
ME-USD
0.01
Տեսնել լրահոսը

ԱՄՆ-ին պետք չէ Մերձավոր Արեւելքից նավթ եւ գազ: Այս մասին հայտարարել է ԱՄՆ նախագահ Դոնալդ Թրամփը:

«Քանի որ վերջին մի քանի տարում մենք էներգետիկայի ոլորտում մեծ հաջողությունների ենք հասել (շնորհակալություն, պարոն նախագահ), մենք էներգիայի ցանցային արտահանող ենք, իսկ այժմ աշխարհում էներգիայի թիվ մեկ արտադրողն ենք: Մեզ պետք չէ մերձարեւելյան նավթ եւ գազ, եւ իրականում այնտեղ շատ քիչ լցանավեր կան, սակայն մենք կօգնենք մեր դաշնակիցներին»,- գրել է նա Twitter-ում:

Իր օգնականների հետ հանդիպումից հետո Թրամփն ասել է, որ Սաուդյան Արաբիայի «օգնությունը» կարող է որոշակի ռազմական գործողություններ ներառել: Նա նաեւ ասել է, որ սաուդական նավթի մատակարարումների վրա հարձակումից հետո ԱՄՆ-ը «մարտական պատրաստվածության» մեջ է:

Ավելի ուշ Թրամփը, թեեւ չի նշել Իրանի անունը, սակայն գրել է, որ «կան հիմքեր կարծելու, որ իրենք գիտեն՝ ով է մեղավոր, եւ սպասում են, թե երբ է Սաուդյան Արաբիան հայտնելու մեղավորի անունն ու թե ինչ պայմաններով են իրենք գործելու»:

Հիշեցնենք, որ շաբաթ լույս գիշերը երկրի արեւելքում Saudi Aramco ձեռնարկությունների վրա հարձակում էր կատարվել տասը անօդաչու թռչող սարքերի միջոցով: Պատասխանատվությունը ստանձնել էին Եմենի «Անսար Ալլահ» ապստամբ հուսիները: Մասնավորապես, հարձակման էր ենթարկվել աշխարհում նավթամշակման խոշորագույն համալիրներից մեկը Աբկայկ քաղաքի մերձակայքում, որտեղ բնակվում են բազմաթիվ արեւմտյան մասնագետներ, ինչպես նաեւ նավթամշակման գործարանը Հուրայս շրջանում, որտեղ տեղակայված է թագավորության մեծությամբ երկրորդ նավթային հանքը: Հարձակումներից հետո ուժգին հրդեհ է բռնկվել: Ավելի ուշ իշխանությունները հայտարարել էին, որ կրակը տեղայնացվել է:

ԱՄՆ-ն հարձակման մեջ մեղադրել է Իրանին: Թեհրանը ԱՄՆ հայտարարություններն անհիմն է համարում: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Քննարկվել են ԱՄԷԳ-ի կողմից տեխնիկական աջակցության շրջանակներում իրականացվող ծրագրերը
ՏԿԵ նախարար Սուրեն Պապիկյանը Ատոմային Էներգիայի Միջազգային Գործակալության գլխավոր տնօրենի տեղակալ Խուան Կառլոս Լենտիխոյի հետ…
Առաջին անգամ ՀԱԷԿ-ին ուղղված սպառնալիքը գալիս է ոչ թե ահաբեկչական կառույցից, այլ պետության անունից. Պապիկյանը՝ ԱԵՄԳ-ում
Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովի 64-րդ նստաշրջանում...
Նավթի համաշխարհային գներն աճում են
WTI տեսակի նավթի հոկտեմբերյան ֆյուչերսներն աճել են 0,48 տոկոսով` մեկ բարելի դիմաց կազմելով 39,50 դոլար․․․
Գերմանիան կախվածության մեջ չի լինի Ռուսաստանից «Հյուսիսային հոսք-2» գազատարի պատճառով
«Այն փաստարկը, որ Գերմանիան կախվածություն կունենա (Ռուսաստանի Դաշնությունից գազի մատակարարումներից) սխալ է...
Նավթի համաշխարհային գներն ընկնում են
WTI նավթի հոկտեմբերյան ֆյուչերսների արժեքը նվազել է 0.22 տոկոսով` մեկ բարելի դիմաց կազմելով 41.02 դոլար...
Հերհերում Հայաստանում ամենամեծ արեւային կայաններն են կառուցվում՝ ընդհանուր 20 մեգավատ հզորությամբ (ֆոտո)
Ծրագիրն իր տեխնիկական պարամետրերով բավական գրավիչ էր եւ երիտասարդ սեփականատերերի մոտեցումները մեր համար ընդունելի էին...