News
Լրահոս
News
Երեքշաբթի
Սեպտեմբեր 22
USD
485.29
EUR
569.58
RUB
6.39
ME-USD
0.01
Տեսնել լրահոսը


«Իմ քայլը» դաշինքի պատգամավորները չգիտեն, թե Արթուր Վանեցյանն ինչու է հրաժարական տվել Ազգային անվտանգության ծառայության ղեկավարի պաշտոնից, եւ որն է նրա հայտարարության էությունը: Սեպտեմբերի 17-ին ԱԺ-ում ավանդական ճեպազրույցների ժամանակ այս մասին ասաց իշխող «Իմ քայլը» դաշինքի պատգամավոր Սուրեն Գրիգորյանը՝ մեկնաբանելով Հայաստանի ԱԱԾ տնօրեն Արթուր Վանեցյանի անսպասելի հրաժարականը:

Նրա խոսքով՝ պատգամավորները պարտավոր չեն իմանալ այս կամ այն պետական գործիչների պատրաստվող հրաժարականի մասին, քանի որ դա նախատեսված չէ նրանց պարտականությունների շրջանակում: «Այդ հայտարարության տեքստը կարող է պայմանավորված լինել հարյուրավոր պատճառներով: Այն կարող է պայմանավորված լինել լարված հարաբերություններով, երբ Վանեցյանը հայտնաբերել է, որ կառավարությունը չի կարողանում առաջնահերթն ու երկրորդականը տարբերակել, եւ որ կառավարությունն այլ կերպ է կարծում, եւ որ սա կարող է դառնալ տարրական տարաձայնությունների պատճառ»,- պարզաբանեց Գրիգորյանը՝ հավելելով, որ իրենք չեն ցանկանում գուշակությամբ զբաղվել: Միաժամանակ, նա տարակուսանք հայտնեց Վանեցյանի վերջին հայտարարության եւ իրեն հրաժարականի դրդած պատճառների կապակցությամբ:

Իշխող դաշինքի մեկ այլ պատգամավոր՝ Արուսյակ Ջուլհակյանը նույնպես չփորձեց մեկնաբանել ստեղծված իրավիճակը՝ միայն հավելելով, որ վարչապետը եւ նրա մամուլի քարտուղարը բավականին լիարժեք մեկնաբանել են ԱԱԾ տնօրենի հրաժարականը:

Հիշեցնենք, որ նախօրեին Հայաստանի ԱԱԾ տնօրեն Արթուր Վանեցյանը Facebook-ի միջոցով անսպասելիորեն հայտնել էր իր հրաժարականի մասին: Վանեցյանը, մասնավորապես, նշել էր, որ մեկուկես տարվա իր գործունեությունը միշտ բոլորի աչքի առջեւ է եղել եւ ամբողջությամբ նվիրվել է հայրենիքին ծառայելուն: «Պետականաշինությունն իր տրամաբանությունն ունի` որոշումների տարերայնությունը, գործողությունների հախուռնությունը, առաջնայինը երկրորդականից, իսկ անցողիկը մնայունից չտարբերելու գործելաոճն այն ճանապարհը չէ, որը տանում է դեպի նպատակների իրականացում։ Այն ընդհանուր ոչինչ չունի սպայի արժանապատվության հետ. սպայի ուսադիրն ու զարգացումների նման ընթացքն անհամատեղելի են։ Իմ հրաժարականը թող լինի «Կանգ ա՛ռ»-ի սթափեցնող քայլ, մնացած բոլոր տարբերակներում կհաղթանակի հայրենիքի հանդեպ պարտքը»,- նշել էր Վանեցյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կարծում եմ, որ հանրահավաքի որոշումը հարմարեցվել է դատարանում Ծառուկյանի կալանքի հարցի քննարկմանը. Ալեն Սիմոնյան
Ու թքած, որ հանրահավաքի պատճառով եկած մարդկանց մեծ մասը կարող են ու, ցավոք, ամենայն հավանականությամբ, կվարակվեն կորոնավիրուսով…
Ուռճացված խոսակցություններ են մանդատը վայր դնելու մասին հարցը․ Լուսինե Բադալյան
Իշխող ուժի պատգամավորը շեշտում է, որ թիմում անհահամաձայնությունները այս կամ այն հարցի շուրջ ապացուցում են, որ իրենք դակող մարմին չեն...
«Իմ քայլից» որ պատգամավորները հնարավոր է դնեն մանդատը. Մակունցի մեկնաբանությունը
Ես չեմ կարող որեւէ պատգամավորի փոխարեն որոշում կայացնել...
Իշխող դաշինքի պատգամավորները վստահեցրին, որ լոյալ են խորհրդարանական մեծամասնության նկատմամբ
«Եթե դրանք համապատասխանեին իրականությանը, ապա «Իմ քայլ»-ի ընտրական ցուցակը վաղուց սպառված կլիներ...
Առանց ՀՀԿ-ի դժվար է լինելու ունենալ քաղաքական պրոցես, որը կբերի իշխանափոխության. Աշոտյանը՝ եռյակի հանրահավաքի մասին
Ընդդիմությունն իր հիմնական մասով միավորվելու է. դա լինելու է բնական գործընթաց, որի հիմքում ընկած է լինելու ոչ միայն մեր կողմից առաջ քաշած...
Չեմ կարծում, որ ԲՀԿ-ին, ՀՅԴ-ին ու «Հայրենիք»-ին կհաջողվի հանրային մոբիլիզացիա ապահովել. Ռուբինյան
Ընդհանուր առմամբ՝ կարծում եմ, որ այդ երեք ուժերը երբևիցե չեն կարողանալու Հայաստանում որևէ լայն աջակցություն մոբիլիզացնել...