News
Լրահոս
News
Չորեքշաբթի
Սեպտեմբեր 30
USD
487.62
EUR
570.03
RUB
6.14
ME-USD
0.01
Տեսնել լրահոսը

Տարածքային կառավարման եւ ենթակառուցվածքների նախարար Սուրեն Պապիկանը մասնակցում է սեպտեմբերի 15-18-ը Վիեննայում անցկացվող Ատոմային էներգիայի միջազգային գործակալության (ԱԷՄԳ) 63-րդ գլխավոր համաժողովին։ Լիագումար նիստի շրջանակներում նախարարը հանդես է եկել ելույթով։ 

Նախարարությունից NEWS.am-ին հայտնում են, որ ողջունելով համաժողովի նախագահին եւ պատվիրակներին՝ նախարարը կարեւորել է ԱԷՄԳ-ի հետ համագործակցության ուղղությունների հետագա ընդլայնումն ու խորացումը։

ՀՀ կառավարության անունից նախարարը իր ցավակցություններն է հայտնել գործակալության գլխավոր տնօրեն Յուկիա Ամանոյի անժամանակ մահվան կապակցությամբ եւ ընդգծել նրա ունեցած ներդրումը ոչ միայն ԱԷՄ գործակալության զարգացման, այլ նաեւ Հայաստանի հետ գործընկերային արդյունավետ հարաբերություններ ապահովելու գործում։

Նախարարը շեշտել է, որ  միջուկային էներգիայի խաղաղ նպատակներով անվտանգ օգտագործումը Հայաստանի համար եղել  եւ շարունակում է մնալ առաջնահերթություն․  «Որպես գործող ատոմային էլեկտրակայան ունեցող երկիր՝ Հայաստանը ընտրել է միջուկային էներգիայի անվտանգ եւ խաղաղ օգտագործման թափանցիկ եւ բաց քաղաքականություն եւ հետագայում էլ շարունակելու է ամրապնդել ու ձեռնարկել համապատասխան միջոցառումներ միջուկային եւ ճառագայթային անվտանգությունը բարձրացնելու եւ պահպանելու ուղղությամբ: Մենք բարձր ենք գնահատում այն դերն ու աջակցությունը, որը ԱԷՄԳ-ը մշտապես ցուցաբերում է Հայաստանին՝ Հայկական ԱԷԿ-ի անվտանգության չափանիշների ապահովմանն ուղղված մեր պարտավորությունների կատարման ընթացքում»։

ԱԷՄԳ-ի հետ համագործակցության շրջանակներում արդեն իսկ իրականացվել է շուրջ 40 ազգային ծրագիր, ներկայումս իրականացվում է եւս 7-ը: Սուրեն Պապիկյանը հույս է հայտնել, որ այդ ծրագրերը շարունակական կլինեն եւ կներդրվեն առավելագույն ջանքեր Համատեղ գործողությունների Համապարփակ ծրագիրը պահպանելու ուղղությամբ:

Աշխատանքային այցի շրջանակներում  նախարարը հանդիպել է նաեւ ՄԱԿ-ի արդյունաբերական զարգացման կազմակերպության գլխավոր տնօրեն Լի Յոնգի հետ։ Նախարարը կարեւորել է  ԱԶԿ ներգրավվածության ընդլայնումը Հայաստանի համաչափ զարգացման ծրագրերում։

Իր հերթին Լի Յոնգը պատրաստակամություն է հայտնել ակտիվացնել մասնակցությունը միջնաժամկետ եւ երկարաժամկետ ծրագրերում՝ մասնավորապես համայնքներում կարողությունների զարգացման, գյուղատնտեսության, ենթակառուցվածքների  եւ այլ  ոլորտներում։ Հանդիպման ավարտին պայմանավորվածություն է ձեռք բերվել առաջիկայում քննարկել համատեղ ծրագրերի մանրամասները։

!
Այս նյութը հասանելի է նաև   English
Տպել
Կարդացեք նաև
Ամբողջը
Նավթի համաշխարհային գներն անկում են ապրում
WTI նավթի նոյեմբերյան ֆյուչերսների արժեքը նվազել են 0.57 տոկոսով…
Քննարկվել են ԱՄԷԳ-ի կողմից տեխնիկական աջակցության շրջանակներում իրականացվող ծրագրերը
ՏԿԵ նախարար Սուրեն Պապիկյանը Ատոմային Էներգիայի Միջազգային Գործակալության գլխավոր տնօրենի տեղակալ Խուան Կառլոս Լենտիխոյի հետ…
Առաջին անգամ ՀԱԷԿ-ին ուղղված սպառնալիքը գալիս է ոչ թե ահաբեկչական կառույցից, այլ պետության անունից. Պապիկյանը՝ ԱԵՄԳ-ում
Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովի 64-րդ նստաշրջանում...
Նավթի համաշխարհային գներն աճում են
WTI տեսակի նավթի հոկտեմբերյան ֆյուչերսներն աճել են 0,48 տոկոսով` մեկ բարելի դիմաց կազմելով 39,50 դոլար․․․
Գերմանիան կախվածության մեջ չի լինի Ռուսաստանից «Հյուսիսային հոսք-2» գազատարի պատճառով
«Այն փաստարկը, որ Գերմանիան կախվածություն կունենա (Ռուսաստանի Դաշնությունից գազի մատակարարումներից) սխալ է...
Նավթի համաշխարհային գներն ընկնում են
WTI նավթի հոկտեմբերյան ֆյուչերսների արժեքը նվազել է 0.22 տոկոսով` մեկ բարելի դիմաց կազմելով 41.02 դոլար...
Ամենաշատ