News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

Զարմանալի է այն, որ Սաուդյան Արաբիան չի կարողանում պաշտպանել իր ռազմավարական նավթային օբյեկտները, հատկապես այն ֆոնին, որ երկիրը պաշտպանական ծախսերի առումով զբաղեցնում է աշխարհում երրորդ տեղը: Այս մասին հայտարարել է Օմանում ԱՄՆ նախկին դեսպան Գերի Գրապպոն, հաղորդում է Lenta-ն՝ հղում անելով CNBC-ին:

Նա ենթադրել է, որ թագավորության ղեկավարությունը ստիպված է բացատրել՝ ինչպես էր հնարավոր նման հարձակում նավթի արդյունահանման առանցքային ենթակառուցվածքում:

Ստոկհոլմի աշխարհի խնդիրների հետազոտությունների միջազգային ինստիտուտի (SIPRI) տվյալների համաձայն՝ 2018թ. Էր Ռիադը պաշտպանական նպատակով 67,6 մլրդ դոլար է ծախսել: Այդ ցուցանիշին զիջում են միայն ԱՄՆ-ը եւ Չինաստանը:

Գրապպոն խոստովանել է, որ մոտեցող անօդաչու թռչող սարքերը հեշտ չէ նկատել, սակայն դա առաջին նման հարձակումը չէ: Այդ պատճառով, նրա խոսքով, սաուդցի զինվորականները պետք է կանխատեսեին նման հարձակման հնարավորությունը:   

Հիշեցնենք, որ շաբաթ լույս գիշերը երկրի արեւելքում Saudi Aramco ձեռնարկությունների վրա հարձակում էր կատարվել տասը անօդաչու թռչող սարքերի միջոցով: Պատասխանատվությունը ստանձնել էր եմենցի ապստամբների «Անսար Ալլահ» շարժումը: Մասնավորապես, հարձակման էր ենթարկվել աշխարհում նավթամշակման խոշորագույն համալիրներից մեկը Աբկայկ քաղաքի մերձակայքում, որտեղ բնակվում են բազմաթիվ արեւմտյան մասնագետներ, ինչպես նաեւ նավթամշակման գործարանը Հուրայս շրջանում, որտեղ տեղակայված է թագավորության մեծությամբ երկրորդ նավթային հանքը: Հարձակումներից հետո ուժգին հրդեհ էր բռնկվել: Հրդեհը լուրջ վնաս էր հասցրել ենթակառուցվածքին:

Արդյունքում Սաուդյան Արաբիայում նավթի արդյունահանումը 2 անգամ նվազել է, իսկ գները ռեկորդային աճ են գրանցել վերջին 30 տարվա ընթացքում: Վերականգնման եւ նավթի արդյունահանման հստակ ամսաթվեր հայտնի չեն: Վերլուծաբանները չեն բացառում, որ եթե գործընթացը ձգձգվի, ապա նավթի գինը կաճի մեկ բարելի դիմաց մինչեւ 100 դոլար:    

ԱՄՆ-ը Սաուդյան Արաբիայում նավթային օբյեկտների վրա հարձակման մեջ դերակատարում ունենալու համար մեղադրում է Իրանին: Իրանում այդ մեղադրանքներն անհիմն են համարում:    

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստանի բարձրավոլտ էլեկտրացանցեր» ընկերությունում խախտումներ են հայտնաբերվել. հաշվետվություն
Խախտումներ «Հայաստանի բարձրավոլտ էլեկտրացանցում»...
Մեղրին կգազիֆիկացվի․ Սյունիքում հավաստիացրել է Սուրեն Պապիկյանը
Մարզպետարանում կայացած հանդիպմանը ներկա էին Սյունիքի մարզպետն ու փոխմարզպետը...
Սուրեն Պապիկյանը Սյունիքի մարզում ծանոթացել է էներգետիկայի ոլորտում կատարվող շինաշխատանքներին
Նախարարն ուշադրություն է դարձրել ծրագրերի շրջանակներում առաջացած ընթացիկ խնդիրներին, անդրադարձել է պատվիրատու-կապալառու փոխհարաբերություններին…
Նավթի համաշխարհային գները նվազում են
Սակարկությունները վկայում են նավթի գների նվազման մասին...
ԱՄՆ-ում խոստացել են նավթի գների նվազում
Նավթի գները կարճ ժամկետում կնազեն...
Նավթի համաշխարհային գները նվազում են
Սակարկությունների տվյալները վկայում են նավթի գների նվազման մասին...