News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը


Եթե իրավական գործընթաց լիներ, ՍԴ-ի որոշումից անմիջապես հետո քրեակատարողական հիմնարկից պետք է Քոչարյանը դուրս գար կամ արտահերթ դատական նիստ պետք է արվեր։ Այս մասին այսօր՝ սեպտեմբերի 17-ին, լրագրողների հետ զրույցում ասաց «Ազգային համաձայնություն» կուսակցության նախագահ Արամ Հարությունյանը։

«Իշխանությունները թքած ունեն այդ իրավական գործընթացի վրա, եթե իշխանությունները շրջափակում են դատարաններ, սպառնում են դատավորներին, եթե սկսվեց գործընթաց, որ անցնեն ՍԴ-ի վրայով՝ դա արդեն իրավական գործընթացից դուրս է։ Եթե իրավական գործընթաց լիներ, ՍԴ-ի որոշումից անմիջապես հետո քրեակատարողական հիմնարկից պետք է Քոչարյանը դուրս գար կամ արտահերթ դատական նիստ պետք է արվեր եւ Քոչարյանը դուրս գար։ Մենք ուզում ենք լինի իրավական գործընթաց, բայց դրա հետեւանքները աշխարհաքաղաքական են։ Հավաքական իմաստով մեր ժողովուրդը կդավաճանի՞ Եռաբլուրում հանգչողների հիշատակը, թե չէ»,- ասաց Հարությունյանը։

Նա անդրադարձավ նաեւ ԱԱԾ նախկին տնօրեն Արթուր Վանեցյանի հայտարարությանը. «Ճիշտն կլիներ, եթե ինքը հասցներ կալանավորել Փաշինյանին։ Ես կոչ եմ անում, որ Նիկոլ Փաշինյանին կալանավորեն ուժայինները, որովհետեւ այլ տարբերակ չկա։ Մենք իրավունք չունենք սպասելու, որ տեսնենք Նիկոլ Փաշինյանն էլի ինչ-որ վատ բան անի, նոր քայլեր անենք։ Այնպես որ այս գործընթացը շատ կարեւոր է, եւ մենք պիտի հասկանանք, որ դա սովորական դատարանի որոշում չէ, եւ Աննա Դանիբեկյանը 21-րդ դարի դատական համակարգի «Սոսե մայրիկն է»»։

Հարությունյանը նշեց, որ «Մարտի 1-ի» իրադարձությունների պատասխանատուները պետք է գտնվեն, բայց ոչ այս իշխանության գործունեության ընթացքում.

«Որովհետեւ էս իշխանության ժամանակ, եթե մենք նայում ենք հիմնական պատասխանատուն հրահրիչներն են, հանձինս Լեւոն Տեր-Պետրոսյանի եւ Նիկոլ Փաշինյանի։ Նույն Շանթ Հարությունյանն իր ասուլիսում ասում էր՝ Նիկոլ, քո խոստացածը դրել են իմ վրա։ Էլ չեմ ասում Լեւոն Տեր-Պետրոսյանի քայլը պետական դավաճանություն էր, երբ դու նստել ես տանը եւ ժողովրդին տանում ես բախման, եւ ամսի 1-ի գիշերն էլ ասում՝ ապրեք, շատ լավ էր, ի՞նչն էր լավ, որ 10 զոհ եղա՞վ»։

!
Այս նյութը հասանելի է նաև   English
Տպել
Կարդացեք նաև
Ամբողջը
Գույքի վրա դրված կալանքը կշարունակի գործել Ռոբերտ Քոչարյանին պատկանող տան եւ 235 մլն դրամի նկատմամբ. Փաստաբանական խումբ
Ըստ դատական ակտի՝ կալանքը կշարունակի գործել Ռ․ Քոչարյանին պատկանող տան եւ 235 մլն դրամի նկատմամբ…
Մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա հարձակումների նախապատրաստման մասին․ Օհանյան
ԱԱԾ տեղեկություններով՝ հանրահավաքի մասնակիցների մոտ զենք է եղել, հատկապես պատերազմի նախկին մասնակիցների մոտ․․․
Ռոբերտ Քոչարյան. Փետրվարի 23-ի խորհրդակցությունը «Երկրապահ» միությունում գործընթացների հետեւանք էր
«Սակայն գործում չկա ոչ մի նյութ կամավորների միությունում տեղի ունեցածի վերաբերյալ...
Դատարանը մասնակիորեն բավարարեց Ռոբերտ Քոչարյանի հաշվի եւ գույքի կալանքի չեղարկման մասին միջնորդությունը
Քոչարյանի եւ մյուսների գործով փաստաբանները պահանջում են «Մարտի 1»-ի գործի նյութերի ամբողջ ծավալը
Առանց ծանոթանալու ամբողջ գործի նյութերին՝ անհնար է արդյունավետ պաշտպանությունը․․․
Այս խեղկատակությանը պետք է վերջ տրվի. Ռոբերտ Քոչարյանի աջակիցները դատարանի դիմաց են
Նույնիսկ իրենք հասկանացան՝ այս գործը չունի իրավական հեռանկար եւ դադարել են մասնակցել…