News
Լրահոս
News
Երեքշաբթի
Սեպտեմբեր 22
USD
485.29
EUR
569.58
RUB
6.39
ME-USD
0.01
Տեսնել լրահոսը

Առաջիկայում, եթե անհրաժեշտություն առաջանա մեկնաբանել հրաժարականի տեքստը, անպայման կմեկնաբանեմ: Այս մասին լրագրողների հետ զրույցում ասել է ԱԱԾ արդեն նախկին տնօրեն Արթուր Վանեցյանը, հաղորդում է  Factor.am -ը:

Արձագանքելով լրագրողի հարցին՝ արդյոք ինքը գիտակցո՞ւմ է, թե իր հայտարարությունում Հայաստանի անվտանգության համար որքան վտանգավոր ձևակերպումներ կան, Վանեցյանը պատասխանել է. «Ես իմ բոլոր քայլերն անում եմ շատ գիտակցված և մտածված, և երբ կլինի անհրաժեշտություն, ես կմեկնաբանեմ հրաժարականի տեքստը: Ուզում եմ կոչ անել բոլորին՝ առհասարակ, չփորձեն պղտոր ջրում ձուկ որսալ, չփորձեն ինձ ներքաշել իրենց խաղերի մեջ: Ես իմ այս 1.5 տարվա ընթացքում, երբ եղել եմ ԱԱԾ տնօրեն, իրականացրել եմ իմ աշխատանքը պատվով, մեծ պատասխանատվությամբ, և դրական արդյունքները եղել են ակնհայտ բոլորի համար: Այն հեղինակությունն ու վարկանիշը, որ ձեռք է բերել ԱԱԾ-ն, ինձ համար ամենակարևոր և մնայուն արժեքն է, որն անհրաժեշտ է մեր պետությանը, և կարծում եմ, որ այդ գործում ունեցել եմ շատ մեծ հաջողություն: Նախկինների մոտ երեկվանից նկատվող խանդավառության մասով ուզում եմ ասել՝ թող մնան իրենց նախկին քաղաքական անցյալում և չփորձեն խառնվել իմ և գործող իշխանությունների ներկայիս հարաբերությունների մեջ: Այդ հարաբերությունները մենք գիտենք՝ ոնց են, և ոնց կշարունակենք»,- ասաց նա:

Ինչ վերաբերում է վարչապետի խոսնակ Վլադիմիր Կարապետյանի հայտարարությանը, թե՝ «Պետք է պարզել, թե ով է գրել Արթուր Վանեցյանին վերագրվող այդ տեքստը: Հույս ունենք՝ դրա հեղինակը քրեական պատասխանատվությունից «թյուրիմացաբար» խուսափած կոռուպցիոներների PR գրասենյակները չեն», Վանեցյանը ասաց. «Այդ տեքստը գրվել է իմ կողմից և խմբագրվել է իմ խորհրդական Արմեն Դավթյանի կողմից: Այսինքն՝ մենք միասին աշխատանք ենք կատարել այդ տեքստի վրա, և ուղղակի միամտություն եմ համարում, որ ինձ կարող են կապել դրանց հետ: Որևէ մեկը ինձ չփորձի կապել Միքայել Մինասյանի հետ, որովհետև նա մարդ է, որը դեռ շատ հարցերի պետք է պատասխան տա ՀՀ օրենքների առջև: Վարչապետը երեկ հայտարարեց, որ կլինի քննություն, և քննությունը պատասխանը կտա՝ արդյոք Միքայել Մինասյանը պե՞տք է պատասխան տա, թե՞ ոչ»:

Նա նշեց, որ վարչապետի հետ եղել են շատ լավ հարաբերություններ:

Հարցին՝ արդյոք ինքը զբաղվելո՞ւ է քաղաքականությամբ, թե՞ ոչ, նա պատասխանեց, որ որևէ բան բացառել պետք չէ. «Երբ ընդունել եմ հրաժարական տալու որոշումը, չեմ խորհրդակցել որևէ քաղաքական ուժի հետ: Իմ հրաժարականի մասին ես խոսել եմ միայն  իմ ընտանիքի՝ կնոջս, երեխաներիս և ծնողներիս հետ: Տեղեկացրել եմ իմ հրաժարականի մասին և կայացրել եմ այդ որոշումը: Այդ որոշումը շատ մտածված էր, շատ հստակ էր, և ես քաղաքականություն մտնելու կամ քաղաքականությամբ զբաղվելու հետ կապված այս պահին որևէ մեկնաբանություն չեմ անի: Այս պահին ես կենտրոնանալու եմ մեր ֆուտբոլի զարգացման ուղղությամբ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կարծում եմ, որ հանրահավաքի որոշումը հարմարեցվել է դատարանում Ծառուկյանի կալանքի հարցի քննարկմանը. Ալեն Սիմոնյան
Ու թքած, որ հանրահավաքի պատճառով եկած մարդկանց մեծ մասը կարող են ու, ցավոք, ամենայն հավանականությամբ, կվարակվեն կորոնավիրուսով…
Ուռճացված խոսակցություններ են մանդատը վայր դնելու մասին հարցը․ Լուսինե Բադալյան
Իշխող ուժի պատգամավորը շեշտում է, որ թիմում անհահամաձայնությունները այս կամ այն հարցի շուրջ ապացուցում են, որ իրենք դակող մարմին չեն...
«Իմ քայլից» որ պատգամավորները հնարավոր է դնեն մանդատը. Մակունցի մեկնաբանությունը
Ես չեմ կարող որեւէ պատգամավորի փոխարեն որոշում կայացնել...
Իշխող դաշինքի պատգամավորները վստահեցրին, որ լոյալ են խորհրդարանական մեծամասնության նկատմամբ
«Եթե դրանք համապատասխանեին իրականությանը, ապա «Իմ քայլ»-ի ընտրական ցուցակը վաղուց սպառված կլիներ...
Առանց ՀՀԿ-ի դժվար է լինելու ունենալ քաղաքական պրոցես, որը կբերի իշխանափոխության. Աշոտյանը՝ եռյակի հանրահավաքի մասին
Ընդդիմությունն իր հիմնական մասով միավորվելու է. դա լինելու է բնական գործընթաց, որի հիմքում ընկած է լինելու ոչ միայն մեր կողմից առաջ քաշած...
Չեմ կարծում, որ ԲՀԿ-ին, ՀՅԴ-ին ու «Հայրենիք»-ին կհաջողվի հանրային մոբիլիզացիա ապահովել. Ռուբինյան
Ընդհանուր առմամբ՝ կարծում եմ, որ այդ երեք ուժերը երբևիցե չեն կարողանալու Հայաստանում որևէ լայն աջակցություն մոբիլիզացնել...