News
Լրահոս
News
Կիրակի
Սեպտեմբեր 27
USD
485.27
EUR
565.05
RUB
6.28
ME-USD
0.01
Տեսնել լրահոսը


Մեղադրող կողմն իր հիմնավորումները կառուցում է ենթադրությունների վրա։ Այս մասին այսօր՝ սեպտեմբերի 17-ին, գրավով ազատ արձակելու միջնորդության քննության ժամանակ ասաց «Մարտի 1»-ի գործով մեղադրյալ, ՀՀ երկրորդ նախագահ Ռոբերտ Քոչարյանը։

«Գոնե մեկ փաստարկ քննությունից թաքնվելու կամ մեկ փաստարկ գործին խոչընդոտելու վերաբերյալ չի բերվել։ Ստիպված եմ որոշ բաներ պարզաբանել։ Ես առաջին ծանուցումը ստացել եմ հունիսի 6-ին, եղել եմ Հունաստանում եւ հայտնել եմ իմ հետ գալու օրը, այդ ժամանակ արդեն պաշտպանության նախարարը հետախուզման մեջ էր, 10 տարի նախագահ եղած մարդը լավ է հասկանում՝ ինչպես է գործում այդ մեքենան, ես 100 տոկոս գիտեի, որ մեղադրանք է առաջադրվելու եւ մեծ հավանականությամբ փորձելու են կալանավորել։ Ես հստակ գիտեի՝ ուր եմ գնում եւ ինչ է ինձ սպասվում, դրա ալտերնատիվը հետեւյալն էր՝ չես գալիս, աղմուկ են բարձրանում թե վախեցավ, փախավ, ոնց որ քո կենսագրություն ամբողջությամբ մեկ քայլի պատճառով փորձեն վերաշարադրել, սա է եղել իմ հետ գալու հիմնական մոտիվացիան»,–նշեց նա։

Ռոբերտ Քոչարյանը խոսեց նաեւ բուժման հետ կապված հնարավոր Գերմանիա մեկնելու մասին. «Ես ունեցել եմ 2 դիվանագիտական անձնագիր, մեկը եղել է քննիչի մոտ, ես կարող էի հանգիստ գնալ, չկար որեւէ խափանման միջոց, սակայն ես դիմել եմ քննիչին, ասել եմ հետեւյալը՝ ես գիտեմ, որ գնամ, աղմուկ եք բարձրացնելու՝ փախավ եւ այլն, չեմ գնում, ա՛յ, քեզ եմ ասում՝ խորհրդակցի քո ղեկավարի հետ, եթե խնդիր չեք տեսնում, գնում եմ, եթե խնդիր տեսնում եք, այդ նույն հետազոտությունը եւ բուժումը փորձեմ իրականացնել այստեղ։ Քննիչն ասել է ինձ 2-3 օր է պետք, ես քննարկեմ եւ պատասխանը կտամ։ Քննիչի մոտից դուրս գալուց հետո պատվիրել եմ տոմս, չեմ գնել,  մերժում ստանալուց հետո պատվերը չեղարկել եմ»։

Խոսելով քննությունից փախչելու պնդումների մասին 2-րդ նախագահը հիշեց դեկտեմբերի 7-ը, երբ իրեն կալանավորելու որոշում է կայացվել։ Նա նշեց, որ որոշումից հետո ծառայողական մեքենայով գնացել է «Կենտրոն» ՔԿՀ-ի մոտ եւ 1 ժամ սպասել քննիչին։

«Հարգելի դատավոր ոչ փախչելու եմ, ոչ խանգարելու եմ, ես չեմ կասկածում եւ այստեղ եմ ապացուցելու համար, որ բոլոր այստեղ նստածները վերջում արդարացվելու են, այս մարդկանց ուսերի վրա է կառուցվել մեր պետականությունը, մեր բանակը, մեր հաղթանակները, այսօր եթե պատրաստ են այս ամենի վրա խաչ քաշել, մենք թույլ չենք տալու այդ ամենի վրա խաչ քաշել։ Խաչատուրովը Մոսկվայում էր, ինչո՞ւ է եկել, որովհետեւ մարտական գեներալ է, որեւէ մեկի մտքով կարո՞ղ է անցնել, որ Սեյրան Օհանյանը կարող է փախչել, փախնող լիներ, ոտքը չէր կորցնի»,–նշեց նա։

Քոչարյանի համոզմամբ՝ ստեղծված մթնոլորտի պատճառով է, որ տուժած ճանաչված 180-ից ավելի ոստիկաններն դատարանում չեն. «Ես մի բան եմ տեսնում, որ ոչ թե տուժողներն են ուղղորդում  փաստաբաններին, այլ ճիշտ հակառակը, քանի որ փաստաբանները  քաղաքականացված են, խոսում են նոր Հայաստանի մասին, բայց օրենսդրությունը, սահմանադրությունը հինն է»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռոբերտ Քոչարյանի փաստաբանը միջնորդեց նոր ապացույցներ պահանջելու վերաբերյալ
ՀՀ երկրորդ նախագահ Ռոբերտ Քոչարյանի գործով դատարանը, վերադառնալով հերթական կարճ դադարից հետո, սկսեց նոր ապացույցներ պահանջելու միջնորդագրի քննությունը...
Ռոբերտ Քոչարյանի փաստաբանը միջնորդել է անթույլատրելի ճանաչել քննիչ Մուշեղյանի կողմից ձեռք բերված ապացույցները
Ըստ Հովհաննես Խուդոյանի` քննիչ Մուշեղյանը բազմաթիվ կոպիտ եւ ակնհայտ խախտումներ է թույլ տվել նյութերի հավաքման ընթացքում...
Ռոբերտ Քոչարյանի եւ մյուսների գործով դատավորը հետաձգեց փորձաքննություն անցկացնելու մասին միջնորդության քննությունը
Երկու դատախազն էլ դեմ էին այս փուլում փորձաքննության անցկացմանը․․․
Ռոբերտ Քոչարյանի եւ մյուսների գործով դատախազները համաձայն չեն փաստաբանների փաստարկներին
Եթե պաշտպանական կողմը կոնկրետ տվյալներ ունի, նրան ոչ ոք չի զրկում կոնկրետ նյութն ուսումնասիրելու համար պահանջելու իրավունքից․․․
«Ես կխնդրեմ արեւի տակ չկանգնել եւ գնալ տուն». Ռոբերտ Քոչարյանը դատարանի բակում հանդիպեց իր աջակիցների հետ
Աջակիցները նրան դիմավորեցին ծափահարություններով եւ «Քոչարյան հերոս» վանկարկումով…
Երեւանում շարունակվում է Ռոբերտ Քոչարյանի եւ մյուսների գործով դատական ​​նիստը
Որ դատարանի նախորդ նիստին փաստաբանները միջնորդություններ էին ներկայացրել 2008 թվականի մարտի 1-ի դեպքերի վերաբերյալ գործի նյութերի ամբողջ ծավալը տրամադրելու վերաբերյալ...