Գերմանիայի կանցլեր Անգելա Մերկելն աջակցում է Սաուդյան Արաբիային զենքի արտահանման մորատորիումի երկարաձգմանը: Նա կառավարության դիրքորոշումը փոխելու ոչ մի պատճառ չի տեսնում, փոխանցում է Reuters-ը:
«Ներկայումս ես ոչ մի նախադրյալ չեմ տեսնում, որպեսզի կառավարությունն իր դիրքորոշումը փոխի»,- ասել է Մերկելը:
Նրա խոսքով՝ Եմենում իրադարձությունները ցույց են տվել, որ չափազանց անհրաժեշտ է աշխատանքը քաղաքական լուծման ուղղությամբ:
Գերմանիայի կառավարությունում աղբյուրը նախօրեին հայտարարել էր, որ Մերկելի կառավարությունը մտադիր է երկարաձգել Սաուդյան Արաբիա զենքի արտահանման մորատորիումը, որի ժամկետը լրանում է սեպտեմբերի վերջին: