News
Լրահոս
News
Երկուշաբթի
Հոկտեմբեր 14
USD
476.44
EUR
525.85
RUB
7.42
ME-USD
0.08
Տեսնել լրահոսը

Ոստիկանության պետ, գեներալ-մայոր Վալերի Օսիպյանը վարչապետ Նիկոլ Փաշինյանին հրաժարականի դիմում է ներկայացրել, հայտնում է «Ինտերֆաքսը»՝ հղում կատարելով տեղական ԶԼՄ-ներին։

«Այսօր Անվտանգության խորհրդի նիստում քննարկվել են մի շարք ներքաղաքական հարցեր, այդ թվում՝ Հայաստանի Ազգային անվտանգության ծառայության տնօրեն Արթուր Վանեցյանի հրաժարականը։ Խոսակցություն է եղել նաեւ Ամուլսարի ոսկու հանքավայրի՝ բնապահպանների եւ ակտիվիստների փակած ճանապարհները ոստիկանության կողմից ապաարգելափակելու անհրաժեշտության մասին»,- նշվում է հոդվածներում։

ԶԼՄ-ների տվյալներով, Օսիպյանը կասկած է հայտնել, որ ճանապարհները բացելու գործողությունը հարթ կանցնի, եւ ներկայացրել է ակտիվիստների դեմ ուժ գործադրելու վտանգները։

«Վարչապետը հայտարարել է, որ եթե ոստիկանության պետը չի կարող, ապա գործողությամբ կզբաղվի ոստիկանության զորքերի հրամանատար Վահե Ղազարյանը, ում թեկնածությունը նույնպես դիտարկվում է ԱԱԾ տնօրենի պաշտոնի համար։ Լարված իրավիճակում խոսակցությունը հանգեցրել է նրան, որ Օսիպյանը հրաժարականի դիմում է ներկայացրել։ Համապատասխան հրամանը կհրապարակվի վաղը»,- նշում են ԶԼՄ-ները։

Հիշեցնենք, որ սեպտեմբերի 16-ին հրաժարականի դիմում էր ներկայացրել ԱԱԾ տնօրեն Արթուր Վանեցյանը՝ հայտարարելով, որ իշխանությունների աշխատաոճը «ընդհանուր ոչինչ չունի սպայի պատվի հետ»։

!
Այս նյութը հասանելի է նաև   Русский
Տպել
Ֆոտոռեպորտաժներ