News
Լրահոս
News
Հինգշաբթի
Մարտ 28
Տեսնել լրահոսը


Երեւանի քաղաքապետարանի դիմաց, «Սանիթեքի» աշխատակիցների բողոքի ակցիայի մասնակիցները փորձեցին փակել փողոցը, սակայն ոստիկանները թույլ չտվեցին:

Մինչ այդ ակցիան խաղաղ էր, «Սանիթեքի» աշխատակիցները նշում էին, որ սպասում են, մինչեւ քաղաքապետարանը ներկայացնի այն փաստաթուղթը, որտեղ նշված է, որ իրենք «Սանիթեքին» փոխանցել են գումարը եւ իրենք կարող են այդ գումարից աշխատավարձ ստանալ:

«Հիմնարկի տերն ասում է չեն փոխանցել, քաղաքապետարանն ասում է՝ փոխանցել ենք: Հիմնարկի տերը դրսում է, Հայաստանում չի, հիմա էլ կֆռցնեն, կգցեն իր վրա: Մարդը որ մեկին դանակով խփում է, «Ինտերպոլով» գտնում բերում են, պետությանն էդքան փող ա պարտք, չեն կարո՞ւմ բերել:  Մենք ոչ մեկին չենք վստահում: Թող քաղաքապետարանը «Սանիթեքին» ասի՝ ինչի՞ էս մարդկանց փողը չեք տալիս»,-ասաց ակցիայի մասնակիցներից մեկը:

Երբ ակցիայի մասնակիցները փորձեցին փակել փողոցը, ոստիկանների հետ հրմշտոց սկսվեց. Իրավապահները նրանց հրելով դուրս բերեցին փողոցից:

Ակցիայի մասնակիցներն էլ որոշեցին ուժով մտնել քաղաքապետարանի շենք: Ոստիկանները շղթա կազմեցին՝ փակելով շենքի մուտքը: Ի վերջո, «Սանիթեքի» աշխատակիցները համաձայնեցին սպասել, մինչեւ քաղաքապետարանը ներկայացնի այդ փաստաթուղթը:

Նշենք, որ «Սանիթեքի» աշխատակիցները պահանջում են իրենց օգոստոս ամսվա աշխատավարձը:

!
Այս նյութը հասանելի է նաև   English and Русский
Տպել
Ամենաշատ