News
Լրահոս
News
Հինգշաբթի
Հոկտեմբեր 24
USD
475.99
EUR
528.92
RUB
7.45
ME-USD
0.07
Տեսնել լրահոսը

Մոսկվայի Խորոշեւյան դատարանը 7,5 տարվա ազատազրկման է դատապարտել ՕՄՕՆ-ի գումարտակներից մեկի նախկին հրամանատար Միխայիլ Պիտալեւին, որը 3 մլն ռուբլու չափով կառաշք է շորթել պետական պաշտպանության ներքո գտնվող գործարարից, հաղորդում է ՏԱՍՍ-ը:

«Դատարանը մեղավոր է ճանաչել Պիտալեւին ՌԴ ՔՕ 290-րդ հոդվածի 5-րդ մասով («առանձնապես խոշոր չափով կաշառքի շորթում») եւ ՌԴ ՔՕ 291.1 հոդվածով («Կաշառքի փոխանցման միջնորդություն»): Նա 7,5 տարվա ազատազրկման է դատապարտվել, ինչպես նաեւ տուգանվել 4 մլն ռուբլու չափով: 6 տարով արգելք է սահմանվել իրավապահ մարմիններում պաշտոն զբաղեցնելու համար»,- հայտնել են դատարանում:

Գործի էությունը

Պիտալեւը ձերբակալվել էր Մոսկվայում պետական պաշտպանության ներքո գտնվող քրեական գործի ֆիգուրանտից կաշառք շորթելու համար: Տղամարդուն ձերբակալել էին 2 մլն ռուբլի ստանալու ժամանակ:

Դատավճռի տեքստում ասվում է, որ գործով տուժածը գործարար Կարեն Մխիթարյանն է: Նա շորթման մասին քրեական գործով վկա է, որի կասկածյալը քրեական հեղինակություն Սերգեյ Ասատրյանն էր: Վկայի տունը հրդեհել էին, ինչից հետո քննությունը որոշել էր ապահովել Մխիթարյանի ու նրա կնոջ պետական պաշտպանությունը: Վկային պաշտպանություն էին ցուցաբերում ՕՄՕՆ-ի աշխատակիցները:

Ռոսգվարդիայի ՕՄՕՆ-ի օպերատիվ գումարտակի հրամանատար Պիտալեւը 2017-ին գործարարից պահանջել էր 360 հազար ռուբլի, որպեսզի նրա պահպանությունն իրականացվի որակով եւ հավուր պատշաճի։ Մխիթարյանը համաձայնել էր եւ ամբաստանյալի քարտին փոխանցել պահանջվող գումարը։ Պիտալեւը միջոցները ծախսել էր բուհում դստեր ուսման վրա։ Այնուհետեւ Պիտալեւը Մխիթարյանին առաջարկել էր երկարացնել նրա պետպաշտպանությունը 12 ամսով, դրա համար անգամ գործարարի հանդիպումն էր կազմակերպել Պետական պաշտպանության ենթակա անձանց անվտանգության ապահովման կենտրոնի բաժիններից մեկի ղեկավարի տեղակալ Կուլակովի հետ։ Փոխարենը ամբաստանյալը պահանջել էր գործարարից 3 մլն ռուբլի։ Դրանից 500 հազարը Պիտալեւը ծրագրել էր թողնել իրեն, իսկ մնացածը տալ Վկաների պետպաշտպանության կենտրոնի ղեկավարներին։

ՕՄՕՆ-ի գումարտակի հրամանատարը կալանավորվել է ԱԴԾ աշխատակիցների կողմից 33 հազար դոլար Մխիթարյանից նրա մեքենայում ստանալուց հետո։ Պետպաշտպանության կենտրոնի ղեկավարի տեղակալին ազատել են քրեական պատասխանատվությունից, քանի որ նա ավելի վաղ Պիտալեւին ասել էր, որ չի կարող ազդել Մխիթարյանի պետպաշտպանությունը երկարացնելու որոշման վրա, եւ տուժածից փող նրան հարկավոր չէ։

Պիտալեւն ընդունել է մեղքը մասամբ։ Նա ասել է, որ խարդախություն է կատարել, քանի որ հնարավորություն չի ունեցել ազդելու Մխիթարյանի պահպանության ռեժիմը երկարացնելու վրա, քանի որ այդ հարցը դատարանի եւ քննության իրավասության ներքո է։ Սակայն դատարանը որոշել է, որ Պիտալեւը, թեեւ չէր կարող չեղարկել պետպաշտպանությունը, բայց կարող էր տեղեկություններ տալ Պետպաշտպանության կենտրոնին, որոնք կարող էին ազդել Մխիթարյանի պահպանությունը հանելու որոշման վրա։

Ինչպես հետեւում է քրեական այլ գործերի նյութերից, Պիտալեւը նախկինում որպես վկա անցել է Մանեժնայա հրապարակում 2010 թվականի անկարգությունների գործով, այդ թվում՝ ցուցմունքներ է տվել Մոսկվայի Տվերյան դատարանում։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կատուները սողանքի ժամանակ կործանումից փրկել են իտալական ընտանիքը
Ընտանի կատուները փրկել են իրենց տերերին...
Թուրքիայում տան մեջ ծխահարվելու հետւեանքով մահացել են հայրը եւ 3 երեխաները
Դեպքի վայր մեկնած բժիշկները ողջ են գտել միայն 27–ամյա մորը...
Սիսիանի հանքավայրից 4 «ԿԱՄԱԶ»-ներով հանքանյութ դուրս բերել, բայց բռնվել են
Բեռնատարներով ՝ առանց համապատասխան փաստաթղթերի…
Պատուհանից ներս է մտել եւ գողացել 20 հազար ռուբլի, 150 հազար դրամ եւ ոսկյա զարդեր
Բնակարանային գողություններ են բացահայտվել…
Դատարանը քննում է Արսեն Բաբայանին կալանավորելու միջնորդությունն ու ձերբակալման որոշման դեմ բողոքը
Երեւանի ընդհանուր իրավասության դատարանում, դատավոր Կարեն Ֆարխոյանի նախագահությամբ ընթանում է...
Ֆրանսիայում հարձակում է կատարվել հայկական Սամուել-Մուրատյան վարժարանի դեմ
Փարիզի հյուսիսում հարձակում է կատարվել հայկական վարժարանի դեմ...
Ամենաշատ