News
Լրահոս
News
Հինգշաբթի
Հոկտեմբեր 17
USD
476.43
EUR
529.69
RUB
7.45
ME-USD
0.08
Տեսնել լրահոսը

Հայաստանի երկրորդ նախագահ Ռոբերտ Քոչարյանի դիմումի վերաբերյալ Սահմանադրական դատարանի որոշման անօրինականության մասին հայտարարություններն անգրագետ են: Սեպտեմբերի 18-ին լրագրողների հետ հանդիպման ժամանակ այսպիսի կարծիք հայտնեց իրավապաշտպան, Հայաստանի առաջին օմբուդսմեն Լարիսա Ալավերդյանը:

«Ասում են, որ ՍԴ որոշումն անօրինական է, քանի որ կա երկու հատուկ կարծիք: Սա ի՞նչ անգրագիտություն է: ՄԻԵԴ բոլոր որոշումներն ունեն դատավորների հատուկ կարծիք: Այսպիսի հայտարարություններից ընդարմացման մեջ ես հայտնվում: Սա անգրագիտության ուղղակլի վկայություն է»,- հայտարարեց Լարիսա Ալավերդյանը:

Նրա խոսքով՝ իրավական պետությունը դեռ 10 տարի կլինի մեր նպատակը: Իրավապաշտպանի կարծիքով՝ երկրի նոր իշխանություններն իրենք են խախտում միջազգային օրենսդրությունը՝ հաճախ պարզապես արհամարհելով այն: Ավելին՝ եթե հետեւենք նրանց դատողությունների տրամաբանությանը, ապա կարելի է եզրակացություն կատարել բուն նոր իշխանության անօրինականության մասին: «Եկեք հասկանանք, որ նման փաստարկները չափազանց անհաջող են, դրանք երկիրը քաոսի են տանում: Ես դեմ եմ դրան: Իշխանությունների հայտարարություններն այն մասին, որ Սահմանդրությունն ու ՍԴ-ն վատն են, հղի են բացասական հետեւանքներով, որոնք կարող են հանգեցնել այն եզրակացության, որ իշխանությունները եւս անօրինական են»,- զգուշացրեց իրավապաշտպանը: 

Ի պատասխան նախկին նախագահի դեմ դատավարությանն առնչվող հարցին՝ Ալավերդյանը նշեց, որ այն անհատականացված է, եւ դա ավելի վատթար է, քան եթե քաղաքականացված լիներ: Նրա խոսքով՝ եթե երկրորդ դեպքում մեծ նպատակի նշաններ կան, ապա առաջին դեպքում ամբողջ գործընթացը կառավարվում է բարդույթներով: Ալավերդյանը, միաժամանակ, կարծիք հայտնեց, որ այսպիսի դատավարություններ ավելի շատ կլինեն, քանի որ միտումը հստակ արդյունավետ հակազդեցության չի հանդիպում: «Պատահական չէ, որ ուժային կառույցների ղեկավարները սկսեցին հրաժարական ներկայացնել»,- նշեց իրավապաշտպանը՝ շեշտելով, որ այս գործողությունները մեծացնում են իրավական պետության տանող ճանապարհը: Լարիսա Ալավերդյանը միաժամանակ նշեց, որ կոռուպցիոներներին որոնելիս պետք է մնալ միջազգային օրենսդրության շրջանակում:

«Այս ճանապարհը տաճար չի տանում: Մովսեսը 40 տարի հրեաներին տարավ անապատով: Մենք արդեն 30 տարի անցել ենք»,- պատկերավոր եզրափակեց Լարիսա Ալավերդյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՍԴ մեկ այլ դիմում վերջերս ևս ներկայացվել է, որը վերաբերում է ոլորտի կատարելագործման հնարավորությանը․ Արամ Վարդևանյան
Ներկայումս մեր երկու դիմումները քրեական օրենսգրքի 300.1-րդ հոդվածի վերաբերյալ, որոնք վարույթ էին ընդունվել...
Ես ծանոթ չեմ մի փորձի, որը ՄԻԵԴ-ի խորհրդատվական կարծիքներին վերաբերվի որպես զուտ խորհրդատվական կարծիքի. Վարդեւանյան
Փաստորեն, իրավական որոշակիության, կայունության, հետադարձ ուժի արգելքի, նման տեսակ հարցերը, որոնք կոնվենցիոնալ երաշխիքներ…
Ռոբերտ Քոչարյանի եւ մյուսների գործով նիստը կշարունակվի նոյեմբերի 5–ին
Ռոբերտ Քոչարյանի եւ մյուսների գործով այսօրվա դատական նիստը հետաձգվեց...
Կամ միջոցներ կձեռնարկեք, որ սենց բաներ դուրս չտան, կամ նույն բառերը ասելու եմ ձեր վերադասի հասցեին. Ալումյան
Այդ ինստիտուտը, որ ներպետական դատարանները խորհրդատվական կարծիքի համար դիմում են Եվրոպական դատարանին, նոր ինստիտուտ է, եւ որքան գիտեմ…
Քոչարյանը հետվիրահատական բուժում է ստանում, մեկ–երկու շաբաթ չի կարող մասնակցել նիստերին. պաշտպան
Չարչյանը տեղեկացրել էր, որ առաջիկա մեկ–երկու շաբաթների ընթացքում Քոչարյանի մասնակցությունը դատական նիստերին դեռեւս հնարավոր չէ...
Շարունակվում է Ռոբերտ Քոչարյանի և մյուսների գործով դատական նիստը. Քոչարյանը չի ներկայացել դատարան
Հոկտեմբերի 9–ին Ռոբերտ Քոչարյանին վիրահատել են «Իզմիրլյան» բժշկական կենտրոնում...
Ամենաշատ
Ֆոտոռեպորտաժներ