News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

Իրանի նախագահ Հասան Ռոհանին կարող է չմասնակցել ՄԱԿ Գլխավոր վեհաժողովի նստաշրջանին, քանի որ մինչեւ այժմ վիզա չունի, տեղեկացրել են IRNA գործակալությունը եւ իրանական ԶԼՄ-ները՝ չնշելով տեղեկատվության աղբյուրները։

«Արտաքին գործերի նախարար Մոհամադ Ջավադ Զարիֆն, ըստ պլանների, պետք է Նյու Յորք մեկներ ուրբաթ առավոտյան (սեպտեմբերի 20-ին), իսկ Իրանի նախագահը՝ սեպտեմբերի 23-ին։ Եթե մի քանի ժամ հետո վիզաներ չտրվեն, հնարավոր է, այցելությունները չեղարկվեն»,- տեղեկացրել է գործակալությունը, հաղորդում է ՌԻԱ «Նովոստի»-ն։

Ավելի վաղ ԱՄՆ նախագահ Դոնալդ Թրամփն ասել էր, որ կնախընտրեր չհանդիպել Իրանի նախագահ Հասան Ռոհանիի հետ ՄԱԿ ԳՎ շրջանակում։

Ռոհանիի Նյու Յորք այցելության հնարավոր չեղարկման մասին հաղորդումները եւ Թրամփի խոսքերը ի հայտ են եկել Իրանի հասցեին Սաուդյան Արաբիայի նավթային օբյեկտների վրա հարձակումների մասին ԱՄՆ մեղադրանքների համատեքստում։

!
Այս նյութը հասանելի է նաև   English and Русский
Տպել