News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

Մեկ գործով պայմանավորված լուրջ ճնշումներ են գործադրվում դատական համակարգի նկատմամբ, իրավական պետությանը ոչ հարիր գործողություններ են իրականացվում գործադիր մարմնի կողմից։ Այս մասին այսօր՝ սեպտեմբերի 19-ին, լրագրողների հետ հանդիպմանն ասաց  փաստաբան Լուսինե Սահակյանը։

«Սահմանադրական դատարանի դատավորի դեմ սկսված այս գործընթացը տեղավորվում է այն նույն դաշտում, ինչ դաշտում արգելափակվեցին դատարանների դռները, սկսվեց գործընթաց դատավորների դեմ, Ռոբերտ Քոչարյանի գործով կայացրած որոշումից հետո դատավոր Ալեքսանդր Ազարյանի նկատմամբ սկսվեց հարձակում տարբեր մեթոդներով, դա շարունակվեց, երբ դատավոր Դավիթ Գրիգորյանը ազատ արձակման որոշում կայացրեց, կասեցվեց գործը եւ փոխանցվեց ՍԴ, իսկ Դավիթ Գրիգորյանի նկատմամբ քրեական հետապնդում սկսվեց, կասեցվեց գործունեությունը, բնականաբար երբ Քոչարյանի գործը ՍԴ–ում էր գտնվում, իշխանությունները հասկանալով, որ չեն վերահսկում ՍԴ–ն, սկսեցին այդ գործընթացը»,–նշեց նա։

Փաստաբանը նշում է՝ բացահայտ ճնշումներ են գործադրվում դատական իշխանության նկատմամբ. «Մեզ համար ակնհայտ է, որ գործադիր մարմինը փորձում է ամեն կերպ իր հսկողությունը սահմանել դատական համակարգի եւ ՍԴ–ի նկատմամբ»։

Իշխանությունները հասարակությունից ծածուկ փորձում էին ճնշումներ գործադրել դատարանների նկատմամբ, սակայն հայտնի գաղտնալումների հրապարակումից հետո դա անում են ուղղակի եւ բոլորի աչքի առաջ, բացահայտ ճնշում են գործադրում դատարանների վրա»։

Նրա համոզմամբ՝  դատական իշխանությանը գործադիրի միջամտություններին հասարակությունը պետք է արձագանքի եւ թույլ չտա. «Մի գործով պայմանավորված անթույլատրելի է գործադիրի միջամտությունը դատական համակարգին եւ սա շատ լուրջ խնդիրներ է առաջացնելու պետության համար, կարծում եմ հասարակության պարտնքն է ամեն ինչ անել, որ այդպիսի միջամտությունը կանխվի։ Հարցը հասել է նրան, որ պատգամավորն է հնչեցնում կարծիք, որ եթե «Իմ քայլը» խմբակցությունը ինչ–որ բան ցանկանում է, ոչ ոք խոսելու իրավունք չունի, սա լուրջ մարտահրավեր է իրավական պետությանը»։

Տպել
Ամենաշատ
Ֆոտոռեպորտաժներ