News
Լրահոս
News
Ուրբաթ
Մարտ 29
Տեսնել լրահոսը

ՌԴ ԿԲ-ն քննարկում է ԵԱՏՄ անդամ երկրների՝ Հայաստան, Ղազախստան, Բելառուս, Ղրղզստան եւ Ռուսաստան, միջեւ միասնական կենսաչափական համակարգ ստեղծելու հարցը: Այս մասին IOSCO կոմիտեի կոնֆերանսի ժամանակ հայտարարել է Ռուսաստանի Կենտրոնական բանկի նախագահի տեղակալ Սերգեյ Շվեցովը, հաղորդում է ՏԱՍՍ-ը:

«Ռուսաստանում Հայաստանի, Ղազախստանի, Բելառուսի, Ղրղզստանի եւ Ռուսաստանի միջեւ ֆինանսական կապեր ստեղծելու հարցով ծրագիր կա: Գործընթացը սկսվել է 5 տարի առաջ, մինչ այժմ այն շարունակվում է: Եվ մենք որոշ համաձայնագրեր ենք ստորագրել, որպեսզի նվազեցնենք բարիերը՝ մեր երկրում յուրաքանչյուր ընկերության համար լիցենզավորման, փոխանակման, առանց յուրաքանչյուր երկրի տարածքում իրավաբանական ներկայացուցչություն բացելու անհրաժեշտության գործընթացի իրականացման առնչությամբ: Մենք նաեւ փորձում ենք միասնական կենսաչափական համակարգ ստեղծել, որպեսզի մեր շուկա հասանելիություն տրամադրենք դիստրիբուցիայի տարբեր ալիքների տեսանկյունից»,- ասել է նա:

Ավելի ուշ նա հստակեցրել է, որ դա կարճաժամկետ խնդիր չէ:

«Մենք այժմ քննարկում ենք ինտեգրացիայի հարցով հետագա քայլերը: Նախաձեռնություններից մեկը, որը մենք կմշակենք, վճարային, այդ թվում նաեւ կենսաչափական համակարգերով լինքերի միավորումն է»,- լրագրողների հետ զրույցում ասել է Շվեցովը:

Շվեցովը նշել է, որ առաջին բանակցությունները կսկսվեն Բելառուսի հետ: Նրա խոսքով՝ մյուս երկրների հետ բանակցությունները կսկսվեն այն ժամանակ, երբ Բելառուսի հետ այդ ուղղությամբ առաջընթացի հասնեն:

Նա նաեւ ասել է, որ դեռեւս հայտնի չէ՝ որ երկրի համակարգի հիման վրա կստեղծվի միասնական համակարգը: «Անհնար է կանխատեսել»,- եզրափակել է ԿԲ նախագահի տեղակալը:    

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Միր» քարտերն արգելելը հավասարակշռված և զգուշավոր դիրքորոշում է, չպետք է շրջանցենք պատժամիջոցները. Թունյան
ՀՀ-ում «Միր» քարտերի արգելափակման հարցը մեդալի երկու կողմ ունի…
Չինաստանի, ԱՄԷ եւ Թուրքիայի բանկերում բարդացրել են վճարումները ռուսական նավթի համար. Reuters
Բանկերում պահանջները խստացվել են...
Շվեյցարիայի բանկերը սկսել են փակել ռուսաստանցիների հաշիվները
Շվեյցարական բանկերը սկսել են չսպասարկել ռուսաստանցիներին...
Թուրքական բանկերը չեն ընդունում վճարումներ Ռուսաստանից. ԶԼՄ
Թուրքական արտահանողները դեռ չեն կարող ստանալ վճարումներ Ռուսաստանից...
ԱրարատԲանկը 27-րդ անգամ թողարկում է դոլարային պարտատոմսեր
Ընդհանուր ծավալը՝ 5 մլն ԱՄՆ դոլար...
5 000 դրամ բոնուս IDBank-ից՝ կենսաթոշակային քարտ ձեռք բերողների համար
Բոնուսը ստանալու համար անհրաժեշտ է ունենալ կենսաթոշակային հաշվից/քարտից տարբերվող այլ հաշիվ։ Իսկ բոնուսը վճարելուց հետո կստանաք տեղեկացնող SMS...
Ամենաշատ