News
Լրահոս
News
Չորեքշաբթի
Սեպտեմբեր 30
USD
487.62
EUR
570.03
RUB
6.14
ME-USD
0.01
Տեսնել լրահոսը

ՀՀ բարձր տեխնոլոգիական արդյունաբերության նախարարության աջակցությամբ հոկտեմբերի 10-12-ը Հայաստանում առաջին անգամ կկազմակերպվի «Միասին դեպի թվային ապագա» կարգախոսով «N2» համաժողովը:

Բարձր տեխնոլոգիական արդյունաբերության նախարարությունից NEWS.am-ին հայտնում են, որ ՀՀ բարձր տեխնոլոգիական արդյունաբերության նախարարությունում սեպտեմբերի 19-ին տեղի ունեցած մամուլի ասուլիսում ներկայացվեցին համաժողովի անցկացման մանրամասները։

ՀՀ բարձր տեխնոլոգիական արդյունաբերության նախարարի տեղակալ Արմեն Աբրոյանը նշեց, որ «N2» համաժողովը միջոցառումների շարք է, որի նպատակն է ստեղծել հարթակներ առաջատար ոլորտի փորձագետների, ցանցային օպերատորների, ծառայություններ մատուցող կազմակերպությունների, ինտերնետի եւ ՏՀՏ համայնքի այլ ներկայացուցիչների համար` ընդհանուր հետաքրքրությունները եւ գաղափարները քննարկելու, ոլորտի նոր միտումների մասին տեղեկանալու, փորձի փոխանակման եւ համագործակցության հնարավորությունների բացահայտման նպատակով։

«Նոր ձեւավորված նախարարության առաջնահերթություններից է Հայաստանում թվային տնտեսության զարգացումը, որի համար շատ կարեւոր են նման նախաձեռնությունների իրականացումը: Թվային տնտեսության զարգացման կարեւոր բաղադրիչներից  մեկը ինտերնետի, ինտերնետային ենթակառուցվածքների զարգացումն է Հայաստանում` ինչպես Հայաստանի տարածքում ինտերնետի որակի եւ տարածվածության, այնպես էլ Հայաստանը ինտերնետի տարանցիկ երկիր դարձնելու  համատեքստում: Մենք շատ կարեւորում ենք այդ ուղղությամբ իրականացվող պետական քաղաքականությունը»,-ընդգծեց նախարարի տեղակալը:

«N2» համաժողովի շրջանակներում ներառված է 6 միջոցառում՝ Ցանցային օպերատորների խմբի համաժողովը (ArmNOG), Հայաստանի Ինտերնետ կառավարման 5-րդ համաժողովը (ArmIGF), Երիտասարդների Ինտերնետ կառավարման համաժողովը (YIGF), «RIPE NCC» բանկային աշխատաժողովը, Արեւելաեվրոպական DNS 4-րդ համաժողովը, «Իրերի Ինտերնետ հատուկ հետաքրքրությունների խմբի» աշխատաժողովը (ISOC IoT SIG Workshop):

Հայաստանի օպերատորների միության տնօրեն Քրիստինե Գյոնջյանը տեղեկացրեց, որ «Ցանցային օպերատորների խմբի համաժողով»-ն անցկացվելու է առաջին անգամ, որում ընդգրկված թեմաները կնպաստեն` հասկանալու թվային ապագայի արդի մարտահրավերներն ու հնարավորությունները, թվային հասարակության եւ ենթակառուցվածքների զարգացման համար ինտերնետի դերը, կիբեռանվտանգության, տվյալների գաղտնիության ապահովման եւ պաշտպանության կարեւորությունը:

Քրիստինե Գյոնջյանը նաեւ նշեց, որ առաջին անգամ Հայաստանում անցկացվում է «RIPE NCC» բանկային աշխատաժողովը, իսկ «Իրերի Ինտերնետ հատուկ հետաքրքրությունների խմբի» աշխատաժողովը հնարավորություն կտա ոլորտով հետաքրքրված կազմակերպությունների ներկայացուցիչներին եւ անհատներին ստեղծելու հարթակ, որտեղ կքննարկվեն առկա մարտահրավերներն ու հնարավորությունները, որոնց բախվում են Իրերի ինտերնետի մշակողները եւ օգտատերերը:

«Ինտերնետ հանրություն» ՀԿ արտաքին կապերի ղեկավար Լիաննա Գալստյանը ներկայացրեց, որ Հայկական Ինտերնետ կառավարման 5-րդ համաժողովի օրակարգը ներառում է տվյալների տեղայնացմանը, թվային ապագայի զարգացմանը, կիբեռանվտանգությանը, գաղտնագրմանն առնչվող մի շարք արդիական հարցեր: Նա նաեւ հավելեց, որ ICANN կազմակերպության եւ «Ինտերնետ հանրություն» ՀԿ-ի համատեղ ջանքերով կազմակերպվող Արեւելաեվրոպական DNS 4-րդ համաժողովը տարածաշրջանային կարեւոր միջոցառում է, որտեղ համաշխարհային փորձագետների մասնակցությամբ կքննարկվեն DNS էկոհամակարգի անվտանգության, կայուն աշխատանքի հիմքերը եւ բազմալեզու ինտերնետի հնարավորությունները։

Համաժողովի կազմակերպիչներն են՝ Հայաստանի օպերատորների միությունը, «Ինտերնետ հանրություն» ՀԿ-ն, ICANN ընկերությունը (Հատկացված անունների եւ համարների Ինտերնետ կորպորացիա), «Ինտերնետ հասարակության Հայաստան հատված» ՀԿ-ն, «RIPE NCC» ընկերությունը, «IoT» հետաքրքրությունների խումբը:

Տպել
Կարդացեք նաև
Ամբողջը
Microsoft-ը Ռուսաստանին մեղադրել է կիբերհարձակումների մեծ մասի մեջ
2019-ի հուլիսից մինչեւ 2020-ի հունիսն ընկած ժամանակահատվածում Ռուսաստանին բաժին է ընկել NSN-ների 52 տոկոսը...
Պեկինը Վաշինգտոնի վարչակազմին մեղադրել է «ազգային իշխանությունը» չարաշահելու մեջ
ԱՄՆ կառավարության որոշմամբ երկուշաբթի կեսգիշերից հավելվածի նոր ներբեռնումները արգելվում են․․․
ԱՄՆ-ն արտահանման սահմանափակումներ է մտցրել միկրոսխեմաներ արտադրող չինական խոշորագույն SMIC ընկերության դեմ
ԱՄՆ առեւտրի նախարարությունը հայտարարում է, որ «անընդունելի ռիսկ» կա, որ SMIC-ի վաճառած սարքավորումները կարող են վերաուղղվել «ռազմական նպատակներով օգտագործման համար»...
Դաշնային դատավորը ժամանակավորապես արգելափակել է TikTok հավելվածի ներբեռնման վրա սահմանած Թրամփի արգելքը
Ընդ որում՝ դատավորը մերժել է հայցվորների խնդրանքը երկրում հավելվածի արգելքի մասին որոշումը նոյեմբերի 12-ից արգելափակելու մասին․․․
ՀՀ Ինտերնետ կառավարման խորհուրդը դատապարտում է ինտերնետի սահմանափակումներն Ադրբեջանում
ՀՀ Ինտերնետ Կառավարման Խորհուրդը կոչ է անում ինտերնետ կառավարման ոլորտում գործող գործընկերների…
Իրանի բանակը ներկայացրել է յոթ նոր բարձր տեխնոլոգիական նվաճումներ, ներառյալ՝ ռազմական ռոբոտ
Ռոբոտը շարժվում է 30 կմ/ժ արագությամբ, իսկ դրա գործողության շառավիղը գերազանցում է 500 մետրը․․․
Ամենաշատ