News
Լրահոս
News
Երեքշաբթի
Մարտ 19
Տեսնել լրահոսը

Սաուդյան Արաբիան խնդրանքով դիմել է Իրաքին՝ իր նավթավերամշակման գործարանների (ՆՎԳ) համար 20 մլն բարել նավթ տրամադրելու մասին։ Այս մասին տեղեկացնում է The Wall Street Journal թերթը՝ հղում կատարելով աղբյուրներին։

Պարբերականի տվյալներով՝ Էր Ռիադը Իրաքի State Oil Marketing Organization (SOMO) պետական ընկերությունից խնդրել է առնվազն 20 մլն բարել հում նավթ Սաուդյան Արաբիայում ՆՎԳ մատակարարումների ապահովման համար։

Ինչպես նշում է թերթը, սաուդյան Saudi Aramco ազգային նավթային ընկերությունում հրաժարվել են մեկնաբանել այս տեղեկությունը։ Այնինչ, SOMO-ի նավթի վաճառքի գծով փոխտնօրեն Ալի Նազար Շաթարը հայտարարել է որեւէ պայմանագրի բացակայության մասին իր ընկերության եւ Saudi Aramco-ի միջեւ՝ ածխաջրածինների մատակարարման մասին, տեղեկացնում է ՏԱՍՍ-ը։

Saudi Aramco-ի երկու խոշոր ձեռնարկություններն Աբքաիկում եւ Հուրայսում գրոհի են ենթարկվել սեպտեմբերի 14-ի գիշերը։ Հարձակման պատասխանատվությունն ստանձնել են Եմենի «Անսար Ալլահ» շարժման ապստամբ հուսիները, որոնք հայտարարել են, որ դիվերսիայի ժամանակ օգտագործվել է 10 անօդաչու թռչող սարք պայթուցիկներով լիցքավորված։ Պայթյունների եւ հրդեհների հետեւանքով նավթի աշխարհում ամենամեծ արտահանողի արդյունահանումը նվազել է օրական 5,7 մլն բարելով՝ 9,8 մլն բարելի փոխարեն։

Արտադրության նվազած ծավալների կեսը հաջողվել է վերականգնել սեպտեմբերի 17-ի երեկոյան։ Նավթարդյունահանման նախկին մակարդակներին Սաուդյան Արաբիան հույս ունի վերադառնալ հոկտեմբերին։ Նավթի մատակարարումները լիովին վերականգնվել են ի հաշիվ պաշարների օգտագործման։ Միջադեպն առաջ է բերել համաշխարհային պատմության մեջ նավթարդյունահանման հետ կապված ամենախոշոր խափանումները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաշատ