News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.08
Տեսնել լրահոսը

ՀՀ փոխվարչապետ Տիգրան Ավինյանն այսօր՝ սեպտեմբերի 19-ին ընդունել է Զարգացման ֆրանսիական գործակալության (ԶՖԳ) Հարավային Կովկասի գրասենյակի ղեկավար Գայել Ասայագին ու Ֆրանսիայի արտակարգ եւ լիազոր դեսպան Ժոնատան Լաքոթին: Այս մասին NEWS.am-ին հայտնում են փոխվարչապետ Տիգրան Ավինյանի գրասենյակից։

Փոխվարչապետը բարձր է գնահատել հայ-ֆրանսիական առանձնաշնորհյալ հարաբերությունների շարունակական ամրապնդումը տարբեր ոլորտներում: Դեսպան Լաքոթը կարեւորել է փոխվարչապետի գրասենյակի հետ հաստատված արդյունավետ համագործակցությունը:

Զրուցակիցները քննարկել են Վեդիի ջրամբարի կառուցման հետ կապված ընթացիկ հարցեր: Ջրամբարը կառուցվում է ԶՖԳ հետ համագործակցությամբ՝ վարկային ծրագրի շրջանակներում ու հանդիսանում է գործակալության կողմից Հայաստանում իրականացվող ամենամեծ նախագիծը:

Հանդիպման ընթացքում անդրադարձ է կատարվել նաեւ ֆրանսիական «Դասո սիսթեմս» ու «Թալես» ընկերությունների հետ ընթացող երկխոսությանը:

!
Այս նյութը հասանելի է նաև   English and Русский
Տպել