News
Լրահոս
News
Ուրբաթ
Մարտ 29
Տեսնել լրահոսը

Ազգային անվտանգության ծառայության տնօրեն Արթուր Վանեցյանի հայտարարության տեքստը մտահոգությունների առիթ պետք է տա։  Այս մասին NEWS.am-ի հետ զրույցում ասաց ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը՝ մեկնաբանելով ԱԱԾ նախկին տնօրենի հրաժարականի հայտարարությունը, որտեղ խոսում էր որոշումների տարերայնության, գործողությունների հախուռնության, սպայի արժանապատվության մասին եւ հորդորում «կանգ առնել»։

«Այդ հայտարարությունը պատահական մարդ չի անում, այլ նա, ով Հայաստանի ազգային անվտանգության համար թիվ մեկ պատասխանատուներից մեկն էր։ Ավելի մանրամասն տեղեկություններ չունենք հրաժարականի պատճառների համար, բայց տեքստը, ելույթը մտահոգիչ էր ու պատահական ասված չէր։ Այս պահին միայն կարող ենք արձանագրել, որ ինչի մասին խոսել է Վանեցյանն իր հրաժարականի տեքստով, մտահոգիչ է»,– նշեց նա։

ՍԴ նախագահ Հրայր Թովմասյանի լիազորությունները կասեցնելու՝ «Իմ քայլի» նախաձեռնած գործընթացի մասով Իշխան Սաղաթելյանը նշեց՝  ՀՅԴ կարծիքը հստակ է. «Իշխանությունը հակաօրինական ճանապարհով գնում է դատական իշխանությունը նվաճելու եւ յուրացնելու հակասահմանադրական ճանապարհով։ Ոչ ԱԺ նախագահը, ոչ առավել եւս խմբակցությունը, այսինքն՝ օրենսդիր իշխանությունն իրավունք չունի նման ոտնձգություններ նախաձեռնել դատական իշխանության նկատմամբ։ Իհարկե, իշխանությունն իրենց գործողությունները փորձում է տեղավորել դատական համակարգը բարեփոխելու, արդարություն հաստատելու կամ հանրային պահանջի անվան տակ, բայց դա ազնիվ չէ, որովհետեւ իշխանությունն ունի նպատակ՝ յուրացնել, ունենալ  յուրային, սեփական դատական համակարգ»։

Դատական համակարգը յուրային դարձնելու լավագույն օրինակը, նրա խոսքով, ԲԴԽ–ն է. «Դրա լավագույն փաստերից մեկը այն էր, թե ինչ արեց Բարձրագույն դատական խորհրդի հետ, կրկին բարեփոխման, արդարություն հաստատելու քողի տակ ստեղծեցին մի Բարձրագույն դատական խորհուրդ, որը ինչո՞վ էր լավը նախորդից, ո՞վ է ներկայիս ԲԴԽ-ի նախագահը։ Այնպես չի, որ այդ փոփոխությունների արդյունքում իրենք ցանկանում են ունենալ անբասիր, արդար մի համակարգ, պարզապես ուզում են, որ լինեն մարդիկ, որոնք առանց աչք թարթելու կծառայեն իրենց։

Հարցին՝  դատական համակարգի նկատմամբ իշխանությունների գործողությունները կապո՞ւմ է ՀՀ երկրորդ նախագահ Ռոբերտ Քոչարյանի դատական գործի հետ, Իշխան Սաղաթելյանը պատասխանեց. «Չնկատել այդ ամենը, նշանակում է թաքնվել իրականության հետեւում։ Ակնհայտ է, որ ոչ միայն Ռոբերտ Քոչարյանի գործի պարագայում, այլ առհասարակ առաջիկա պլանավորելիք, նախաձեռնած դատավարությունների, քայլերի համար պետք է մի դատական համակարգ, դատական իշխանություն, որն անվերապահ կատարելու է իշխանության հրահանգները։ Իշխանության գլխավոր նպատակն է ունենալ դատական իշխանություն, որն անվերապահ կկատարի իր ցանկությունը։ Հակաօրինական քայլի առաջ կանգ չի առնում իր նպատակին հասնելու համար, որը պետության համար վտանգավոր է»։

Նրա խոսքով՝ ՀՅԴ–ն հնարավոր բոլոր միջոցներով հակազդելու է եւ թույլ չի տալու այդ գործողությունները.  «Հիմա քննարկումների մեջ ենք, որ հասկանանք՝ ինչ կերպ ու ինչ ֆորմատով։ Մենք համագործակցում ենք 7 կուսակցությունների հետ, կխոսենք նաեւ մեր գործընկերների հետ»։

Հարցին՝ միայն արտախորհրդարանական ուժերի հե՞տ են համագործակցելու, թե՞ նաեւ խորհրդարանական, նա պատասխանեց. «Քանի որ նոր ենք սկսում, երբ կսկսենք խոսել, կհասկանանք ֆորմատը, լրացուցիչ կտեղեկացնենք»։

Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ