Այս պահի դրությամբ «Իմ քայլը» խմբակցութունը օրենքի խախտում թույլ չի տվել: Այսօր` սեպտեմբերի 20-ին ԱԺ-ում լրագրողների հետ զրույցի ժամանակ ասաց ԱԺ ԲՀԿ խմբակցության պատգամավոր Գեւորգ Պետրոսյանը` անդրադառնալով «Իմ քայլը» խմբակցության նախաձեռնությանը ՍԴ նախագահ Հրայր Թողմասյանին լիազորություններիը կասեցնելու նախաձեռնությանը:
«Այս պահի դրությամբ «Իմ քայլը» խմբակցութոյունը օրենքի խախտում թույլ չի տվել, որովհետեւ ընդամենը նախաձեռնություն է, դրա համար եռմ ասում, սպասենք, տեսնենք ինչ կարծիքներ են ասում: Որեւէ մեկը ոչ պարտավորված է, ոչ էլ ստիպված է կողմ քվերակելու: ԲՀԿ-ն քվերակելու է իր ներքին համոզմունքով եւ որեւէ մեկը չի կարող ներգործել մեր խմբակցության որեւէ անդամի վրա»,-ասաց նա:
Հիշեցնենք, որ Ազգային ժողովի «Իմ քայլը» խմբակցությունը որոշել է Սահմանադրական դատարանի նախագահ Հրայր Թովմասյանի լիազորությունները դադարեցնելու գործընթաց սկսել: Նշենք, որ խորհրդարանում նախկինում նման ընթացակարգով որեւէ հարց չի քննարկվել։