News
Լրահոս
News
Հինգշաբթի
Հոկտեմբեր 24
USD
475.99
EUR
528.92
RUB
7.45
ME-USD
0.07
Տեսնել լրահոսը


Վերջին մեկ տարվա իրադարձություններից հետո դժվար է ինչ-որ լավ սպասելիք ունենալը, բայց սպասելիքն այն է, որ գոնե գրավը կկիրառվի: Այս մասին, այսօր՝ սեպտեմբերի 20-ին, Երեւան քաղաքի ընդհանուր իրավասության դատարանի Շենգավիթ նստավայրում լրագրողների հետ զրույցում նշեց Ռոբերտ Քոչարյանի որդին՝ Լեւոն Քոչարյանը:

«Շատ անհեթեթ է, եւ մարդ ինչքան պետք է ճղճիմ լինի, որ մտածի, որ հայրս ունենալով նման կենսագրություն, կարող է խուսափել կամ թաքնվել: Մեզ համար դա վիրավորական է: Ինձ թվում է՝ թե դատախազները, թե դատավորը, թե հանրության լայն զանգվածները վստահ են, որ այստեղ խուսափելու, թաքնվելու մասին խոսք չի կարող լինել, քանի որ 5 ամիս լինելով ազատության մեջ՝ ոչ խուսափել է, ոչ խոչընդոտել է: Մի բան էլ ինքն է եկել ներկայացել: Այս ամենը պարզ է, ուղղակի նպատակ ունեն դատը ձգձգելով տարիներով, գոնե այս ընթացքում պատժեն»,- ասաց Լեւոն Քոչարյանը:

Նա տեղեկացրեց, որ այս պահին սառեցված են միայն Ռոբերտ Քոչարյանի եւ նրա ավագ որդու՝ Սեդրակ Քոչարյանի միջոցները. «Իմ հաշիվները սառեցված չեն այս պահին, մի ժամանակ սառեցված էին, հետո դատարանով վերացրեցին»:

Հարցին, թե ինչ են անելու Քոչարյանի աջակիցները, եթե այսօր նրան ազատ չարձակեն, Լևոն Քոչարյանը պատասխանեց. «Եթե նույնիսկ գրավը չկիրառվի, վերջնականապես պարզ է լինում, որ այստեղ ոչ մի իրավական պրոցես չկա»:

Նա ընդգծեց, որ եթե կոնկրետ գործը մտել է դատարան, իրավունք չունեն խափանման միջոց ընտրել՝ հաշվի առնելով ուրիշ քրեական գործ:

Անդրադառնալով ՍԴ-ի շուրջ ստեղծված իրավիճակին, նա ասաց. «Չափազանց պարզ է, թե այդտեղ ինչ է կատարվում: Այն դատավորները, այն կառույցները, որոնք 100 տոկոսանոց ներկա իշխանության ենթակայության տակ չեն, ուզում են նրանցից ձերբազատվեն եւ դա մեծ մասամբ մեր գործի հետ է կապված: Դուք գիտեք, թե ՍԴ-ի դեմ ճնշումները ինչից հետո եղան: Ասում են՝ իրենք նախկին են, իսկ գլխավոր դատախազը նախկին չէ՞»:

Հիշեցնենք, որ այսօր կհրապարակվի  Ռոբերտ Քոչարյանի խափանման միջոցի վերաբերյալ որոշումը։ Ռոբերտ Քոչարյանի պաշտպանական խումբը միջնորդություն էին ներկայացրել նրա խափանման միջոց կալանքը փոխելու համար: Նրանք առաջարկում են կամ գրավ կիրառել, կամ ազատազրկման հետ չկապված այլ խափանման միջոց:

Նշենք, որ դատարան է եկել նաեւ ՀԱՊԿ նախկին գլխավոր քարտուղար, այս գործով ամբաստանյալ Յուրի Խաչատուրովը: Դատարանի շենքի մոտ են Ռոբերտ Քոչարյանի եւ իշխանության աջակիցները: Այստեղ է նաեւ ՀԱԿ անդամ Արամ Մանուկյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սարգիս Օհանջանյանը կմնա կալանքի տակ․ դատարանը մերժեց պաշտպանի բողոքը
Որեւէ բացատրություն, ողջամիտ հիմնավորում չունենք․․․
Նարեկ Մութաֆյանը կմնա կալանքի տակ. Վերաքննիչը մերժեց պաշտպանի բողոքը
Նարեկ Մութաֆյանը կալանավորվել է սեպտեմբերի 29-ին Երեւանի ընդհանուր իրավասության դատարանի դատավոր Արտուշ Գաբրիելյանի որոշմամբ...
Այս կամայականությունները «թարս աճած վարունգի» էֆեկտ են տալու․ Անահիտ Մութաֆյան
Ես ոչ նախկինների դեմ եմ, ոչ ներկա իշխանությունների դեմ․․․
Դատարանը հեռացավ խորհրդակցական սենյակ․ Արամ Վարդեւանյանը՝ Նարեկ Մութաֆյանի կալանավորման բողոքարկման մասին
Նրա խոսքով՝ ամեն մեկի մասով առանձին դատական ակտ է կայացվել, թեեւ 1 քրեական գործի շրջանակներում է քննվել․․․
Գագիկ Ծառուկյանը՝ Ռոբերտ Քոչարյանին տեսակցելու մասին
Ինձ բոլոր նախագահներն էլ՝ սկսած առաջինից, երկրորդնեից, չորրորդից, վարչապետից, բոլորն էլ հետաքրքրում են…
Գագիկ Ծառուկյանը չի հետաքրքրվել Ռոբերտ Քոչարյանի առողջական վիճակով
Անընդհատ ուզում եք կապեք Ռոբերտ Քոչարյան, Սերժ Սարգսյան, բայց ամեն մեկն իր տեսակետն ունի…
Ամենաշատ