News
Լրահոս
News
Հինգշաբթի
Հոկտեմբեր 01
USD
488.41
EUR
571.78
RUB
6.24
ME-USD
0.01
Տեսնել լրահոսը

Մենք՝ քրեական դատավարության օրենսգրքի մշակման աշխատանքային խումբը, վերջապես ավարտեցինք շուրջ տասը տարվա աշխատանքը եւ պայմանավորվածության համաձայն՝ Արդարադատության նախարարություն ուղարկեցինք Քրեական դատավարության նոր օրենսգրքի նախագիծը։ Այս մասին ֆեյսբուքյան իր էջում գրել է իրավապաշտպան Ռուբեն Մելիքյանը։

«Այս տոնական օրը յուրաքանչյուրս յուրովի է նշում։ Օրինակ՝ մենք՝ քրեական դատավարության օրենսգրքի մշակման աշխատանքային խումբը, վերջապես ավարտեցինք շուրջ տասը տարվա աշխատանքը եւ պայմանավորվածության համաձայն՝ Արդարադատության նախարարություն ուղարկեցինք Քրեական դատավարության նոր օրենսգրքի նախագիծը (որը պարունակում է տասնյակ ու տասնյակ սկզբունքորեն նոր լուծումներ)։

Չորս մասնագետից կազմված մեր խումբը ձեւավորվել է դեռ 2009-ին՝ նախարար Գեւորգ Դանիելյանի օրոք։ Յոթ նախարար է փոխվել ու շատ ջրեր են հոսել, իսկ մեր խումբը, անփոփոխ կազմով նորից լիազորվելով նախարար Արտակ Զեյնալյանի կողմից, ահա այս տոնական օրով ավարտում է շուրջ 400 խիտ մասնագիտական էջ կազմող փաստաթղթի վրա աշխատանքը։ Հուսով ենք՝ առաջիկայում կունենանք արդյունավետ ու բովանդակային հանրային լսումներ, տարբեր ձեւաչափերով այլ քննարկումներ, եւ սեղմ ժամկետներում նախագիծը կընդունվի՝ ապահովելով քրեական դատավարությունում հանրային ու մասնավոր շահերի որակապես նոր, ավելի արդարացի հավասարակշռություն»,–նշել է նա։

Տպել