News
Լրահոս
News
Ուրբաթ
Մարտ 29
Տեսնել լրահոսը

Գերմանիան կմիանա էլեկտրաէներգիայի արտադրության համար ածխի օգտագործման դեմ ներկայացող երկրների միությանը (Powering Past Coal Alliance): Այդ մասին Funke մեդիախմբի պարբերականների համար տված հարցազրույցում հայտարարել է Գերմանիայի շրջակա միջավայրի եւ միջուկային անվտանգության նախարար Սվենյա Շուլցեն, հաղորդում է DW-ը:

Քաղաքական գործչի խոսքով՝ այդ մասին պաշտոնական հայտարարությունը նա կանի Նյու Յորքում սեպտեմբերի 22-ին ընթացող կլիմայի պաշտպանության հարցով համաժողովի ընթացքում:

«Ածուխ օգտագործելուց հրաժարվելը կլիմայի գլոբալ պաշտպանության համար առանցքային բաղադրիչներից մեկն է»,-Շուլցեին մեջբերել է գերմանական Hamburger Abendblatt թերթը: Ածխի կիրառման հիման վրա էլեկտրաէներգիայի արտադրությունն աշխարհի տարբեր երկրներում դառնում է արդեն հնացած տեխնոլոգիա, հավելել է նա:

Շուլցեի խոսքով, եթե Գերմանիայի նման արդյունաբերական երկիրը հրաժարվի ածուխից եւ ատոմային էներգիայից, եւ աստիճանաբար փոխի էլեկտրամատակարարման համակարգն էներգիայի վերարտադրման ուղղությամբ, դա կդառնա աշխարհի մյուս երկրների համար հզոր ազդանշան:

2018 թվականի հունիսին Գերմանիան ստեղծել էր հանձնաժողով «Աճ, կառուցվածքային փոփոխություններ եւ զբաղվածություն» անվանմամբ, որում ներգրավվել են գործարարներ, արհմիությունների, ածխարդյունաբերությամբ զբաղվող շրջանների, բնապահպանական կազմակերպությունների ներկայացուցիչներ եւ գիտնականներ:

Ավելի քան կես տարի նրանք համատեղ մշակել են հայեցակարգ, թե ինչպես Գերմանիան, իրականացնելով կլիմայի պաշտպանության եւ ջերմոցային գազերի արտանետումները կրճատելու հարցում իր կողմից ստանձնած միջազգային պարտավորությունները, կարող է դադարեցնել ածխի օգտագործումը՝ դրանով չվնասելով երկրի տնտեսությանը, էներգետիկ ընկերություններին եւ կոնկրետ շրջաններին: 2019 թվականի հունվարին հանձնաժողովը համաձայնեցրել եւ հրապարակել էր փաստաթուղթ, որը ենթադրում է գորշ ածխից ամբողջովին հրաժարում Գերմանիայի էլեկտրաէներգետիկայում 2038 թվականից ոչ ուշ:

Էլեկտրաէներգիա ստանալու համար ածխից հրաժարվելու օգտին ներկայացող երկրների միության ստեղծման մասին հայտարարվել էր ՄԱԿ-ի՝ Կլիմայի փոփոխության մասին համաժողովի ընթացքում, որը կայացել էր 2017 թվականին Բոնում:

Ներկայումս այդ միությանն անդամակցել է 30 երկիր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ում մինչեւ 2025թ. մտադիր են առաջին անգամ ատոմային էլեկտրակայան վերագործարկել
ԱՄՆ դաշնային կառավարությունը մտադիր է վերագործարկել ատոմային էլեկտրակայան...
Չինաստանի, ԱՄԷ եւ Թուրքիայի բանկերում բարդացրել են վճարումները ռուսական նավթի համար. Reuters
Բանկերում պահանջները խստացվել են...
«Հայկական Ատոմային էլեկտրակայան» -ն ու «Ռուսատոմ սերվիս»-ը ստորագրեցին հովացման համակարգերին առնչվող պայմանագիր
Ամբողջ ծրագիրը շահագործման ժամկետի երկարացման առաջին փուլով  է ներդրված…
«Ռոսատոմ»-ը կարող է Հայաստանին 50-1000 ՄՎտ հզորությամբ միջուկային ռեակտորներ առաջարկել. Կիրիլ Կոմարով 
Նրա խոսքով, Հայաստանի իշխանություններն իրենք են որոշելու, թե որ բլոկն ընտրել...
Գազամատակարարման պլանային դադարեցում Վանաձորում, Ալավերդիում, Գեղարքունիքի մարզի որոշ բնակավայրերում
«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ…
Պորտուգալիայում կառուցվել է Եվրոպայի ամենամեծ արևային էլեկտրակայանը
Cerca-ն համալրված է ավելի քան 310 հազար երկդիմաց արևային մարտկոցներով...
Ամենաշատ