News
Լրահոս
News
Երեքշաբթի
Սեպտեմբեր 22
USD
485.29
EUR
569.58
RUB
6.39
ME-USD
0.01
Տեսնել լրահոսը

Ադրբեջանն իր քաղաքական օրակարգն առաջ տանելու համար օգտագործել է Սեւծովյան տնտեսական համագործակցության խորհրդարանական վեհաժողովի (ՍԾՏՀ ԽՎ) հարթակը: Այս մասին ԱԺ-ում լրագրողների հետ հանդիպման ժամանակ ասաց ՀՀ ԱԺ փոխխոսնակ Վահե Էնֆիաջյանը:

Նրա խոսքով՝ Թուրքիայում նիստի կազմակերպիչները, ըստ էության, Ադրբեջանի եւ Թուրքիայի պատվիրակությունների ներկայացուցիչներին թույլ են տվել օրակարգից դուրս հայտարարություններ անել եւ ելույթով հանդես գալ:

«Ես հայտարարեցի, որ անթույլատրելի է քննարկել հարցեր, որոնք բացակայում են կողմերի քննարկման թեմաներից: Դրանից հետո վիճաբանություն սկսվեց: Ակնհայտ է, որ ամեն ինչ արվում էր հայկական պատվիրակությանն իր իրավասությունների իրականացման հնարավորությունից զրկելու համար: Սակայն դա ոչ մի կերպ չազդեց մեզ վրա, եւ մենք պատասխանեցինք եւ կպատասխանենք մեր դեմ ուղղված հարձակումներին»,- նշեց նա:

Փոխխոսնակը հավելեց, որ իր հայտարարության մեջ անդրադարձել է Ղարաբաղի ընտրություններին՝ նշելով, որ դրանք, ինչպես միշտ, անցկացվել են ամենաբարձր մակարդակով եւ ժողովրդավարության բոլոր նորմերին համապատասխան:

«Տվյալ հայտարարությունը դժգոհություն առաջացրեց ադրբեջանցիների մոտ, փորձում էին փաստարկներ ներկայացնել այն մասին, թե «Ադրբեջանի տարածքների 20%-ն օկուպացված է»: Դրան ի պատասխան ես հիշեցրեցի, որ ԼՂՀ-ն երբեք չի եղել Ադրբեջանի կազմում, այդ թվում նաեւ ԽՍՀՄ ժամանակաշրջանում: Ապա ես նկատողություն արեցի գլխավոր քարտուղարին, որը խանգարում էր իմ ելույթին»,- հստակեցրեց Վահե Էնֆիաջյանը:

Նա նշեց, որ ոչ մի պատվիրակություն չի միջամտել, բացի թուրքական պատվիրակությունից, որը բացահայտորեն աջակցում էր Բաքվին:

Էնֆիաջյանը հույս հայտնեց, որ ՍԾՏՀ ԽՎ հետագա միջոցառումները հայկական ԶԼՄ-ները լայնորեն կլուսաբանեն՝ հաշվի առնելով պոտենցիալը, որն ունի համագործակցության տվյալ ձեւաչափը:

Նշենք, որ սեպտեմբերի 18-ին Թուրքիայի Գիրեսուն քաղաքում կայացել է տնտեսական, առեւտրային, տեխնոլոգիական եւ էկոլոգիական հարցերով ՍԾՏՀ ԽՎ կոմիտեի 53-րդ նիստը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԿԽՄԿ ներկայացուցիչները այցելել են Ադրբեջանում ձերբակալված Հայաստանի քաղաքացիներին
Կարմիր խաչի ներկայացուցիչներն այցի ժամանակ ստուգել են նրանց պահման…
Փաշինյանն ու Ալիևը գործարք են կնքել Հայ ժողովրդի և Հայկական պետության թիկունքում. Ղազինյան
Գործարքը փոխադարձ շահավետ էր. Ալիևին պետք էր ամրացնել իր դիրքերը սահմանին, իսկ Փաշինյանին՝ ամրացնել իր դիրքերը Հայաստանում...
Ոչ թե Ադրբեջանն է Ղարաբաղ ուզում, այլ Ադրբեջանն ու Թուրքիան ուզում են Հայաստանն ու Ղարաբաղը. Աշոտյան
Ալիեւի հայտարարությունների հետեւում հստակ երեւում են տանկերն ու թնդանոթները...
Կա՛մ հակամարտությունը կլուծվի ՀՀ, Արցախի և Ադրբեջանի ժողովուրդների համար ընդունելի տարբերակով, կա՛մ չի լուծվի. Ռուբինյան
Հայաստանը մշտապես հանդես է եկել կառուցողական դիրքորոշումներով և հայտարարություններով՝ միտված խաղաղ գործընթացի ամրապնդմանը...
Չի կարող լինել այնպիսի իշխանություն, որը կգնա ղարաբաղյան հիմնահարցի անբարենպաստ լուծման․ «Լուսավոր Հայաստան»
Հայաստանում Ղարաբաղի հարցը քաղաքական առումով մշտապես եղել է քննարկումների եւ մանիպուլյացիաների թեմա․․․
Առաջին անգամ ՀԱԷԿ-ին ուղղված սպառնալիքը գալիս է ոչ թե ահաբեկչական կառույցից, այլ պետության անունից. Պապիկյանը՝ ԱԵՄԳ-ում
Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովի 64-րդ նստաշրջանում...