Եվրադատարանը որոշում է կայացրել Ուկրաինայի նախկին նախագահ Վիկտոր Յանուկովիչի դեմ պատժամիջոցների չեղարկման մասին: Այս մասին Facebook-ում գրել է նրա մամուլի խոսնակ Յուրի Կիրասիրը, հաղորդում է Lenta-ն:
Կիրասիրի խոսքով՝ որոշումն ընդունվել է սեպտեմբերի 24-ին: Նա նշել է, որ տվյալ իրադարձությունը կարեւոր քայլ է նախկին նախագահի վերականգնման ուղղությամբ եւ հաստատում է Ուկրաինայի եւ Եվրամիության կողմից նրա քաղաքական հետապնդման անօրինականությունը:
Նախկին նախագահի փաստաբանը հիշեցրել է, որ վերջին 5 տարիների ընթացքում, մինչ Ուկրաինայի ղեկավարությունը «կեղծում էր Յանուկովիչի հանցանքների մասին նյութերը», Եվրամիության բոլոր երկրները հաստատեցին երկրի նախկին նախագահի անունով բանկային հաշիվների բացակայությունը:
Բացի այդ, Կիրասիրը հիշատակել է 2014-ին Եվրամայդանի ժամանակ զանգվածային սպանությունների կազմակերպման գործի մասին՝ նշելով, որ այդ իրադարձություններին Յանուկովիչի ներգրավվածությունը չի ապացուցվել: Եվ, հակառակը, վկայություններ են հայտնվել այն մասին, որ այդ հանցանքներին ներգրավված են եղել բողոքի ակցիայի առաջնորդները:
Նա նաեւ նշել է, որ Յանուկովիչի փաստաբանները կհասնեն նրա քաղաքական հետապնդմանը եւ նրա նկատմամբ կեղծումներին ներգրավված անձանց քրեական պատասխանատվության ենթարկելուն:
Ավելի վաղ հաղորդվել է, որ Յանուկովիչը մտադիր է Ուկրաինա վերադառնալ: Հայրենիք վերադառնալուց հետո նա կարող է բանտում հայտնվել. այժմ նրա փաստաբանները զբաղվում են այդ հարցով: