Երեւանում սկսվել է ԱՊՀ անդամ պետությունների անվտանգության մարմինների եւ հատուկ ծառայությունների հակաահաբեկչական ստորաբաժանումների ղեկավար կազմի հավաքը: Նիստին մասնակցում են 8 պետությունների պատվիրակություններ՝ Հայաստանի, Բելառուսի, Ղազախստանի, Ղրղզստանի, ՌԴ-ի, Տաջիկստանի, Ուզբեկստանի, Մոլդովայի, կանոնադրական մարմինների, մաքսային ծառայությունների ՄԱԿ ներկայացուցիչները:
ԱՊՀ հակաահաբեկչական կենտրոնի ղեկավար, ոստիկանության գեներալ-գնդապետ Անդրեյ Նովիկովը նիստը բացելով ՝ նշեց, որ խնդրի ուսումնասիրությունների արդյունքներով, որը կարող է վերաճել սպառնալիքի, դա «քնած բջիջների ցանցի», անձանց խմբերի ձեւավորումն է, որոնք վերադարձել են մարտական գործողությունների գոտիներից, եւ ահաբեկչական գործունեությանը ներգրավված անձինք, արդարադատությունից խուսափող անձանց նույնականացումը: Նովիկովն արձանագրեց, որ նկատվում է ահաբեկչական խմբավորումների մեծ հետաքրքրություն վառելիքաէներգետիկ կառույցների հանդեպ: Նա որպես օրինակ բերեց Սաուդյան Արաբիայի համալիրների վրա վերջերս անօդաչուներով իրագործված հարձակումները: Նովիկովն այս կապակցությամբ հիշեցրեց, որ ԱՊՀ երկրները տնօրինում են նավթի համաշխարհային պաշարների մոտ 8 տոկոսը եւ գազի մոտ մեկ երրորդը: Նովիկովը նշեց, որ ԱՊՀ համալիրները միմյանց հետ կապված են: Նրա խոսքով՝ անհրաժեշտ է վերացնել պաշտպանության թույլ տեղերը, համատեղ մշակել ահաբեկիչների եւ ծայրահեղականների հարձակումներից ՎԷՀ օբյեկտների պաշտպանության միասնական մեխանիզմներ: Առաջնահերթ խնդիր է հարձակումների նախապատրաստման նշանների հայտնաբերումը: Նիստի արդյունքներով կներկայացվեն հանձնարարականներ:
Հավաքի ընթացքում տեղի կունենա զորավարժությունների առաջին փուլի արդյունքների ամփոփում:
Ինչպես ավելի վաղ հաղորդվել էր, Հայաստանում ընթանում է ԱՊՀ պետությունների «Արարատ-հակաահաբեկչություն-2019» համատեղ հակաահաբեկչական զորավարժությունը: Այն անցկացվել է Համագործակցության 7 պետությունների տարածքներում եւ նվիրված է վառելիքաէներգետիկ համալիրի օբյեկտների անվտանգության ապահովմանը:
Երկրորդ կեսին «Գազպրոմ-Արմենիայի» տարածքում տեղի կունենա զորավարժությունների գործնական մասը: Վաղը զորավարժությունները կշարունակվեն մարշալ Բաղրամյանի անվան հրաձգարանում: