Թեհրանը պատրաստ է օգնել «փակուղուց դուրս գալուն», որն ստեղծվել է 2015 թվականի միջուկային գործարքի շուրջ, եթե Միացյալ Նահանգները վերադառնա համաձայնագրի կատարմանը եւ չեղարկի պատժամիջոցներն Իրանի դեմ։ Այս մասին ասել է Իրանի կառավարության ներկայացուցիչ Ալի Ռաբիեյը, տեղեկացնում է Press TV-ն։

Նրա խոսքով՝ բանակցությունները հնարավոր են, եթե Վաշինգտոնը վերադառնա միջուկային գործարքին եւ լիովին չեղարկի պատժամիջոցները, որոնք Իրանի դեմ մտցվել են 2018 թվականի մայիսին համաձայնագրից ԱՄՆ դուրս գալուց հետո։

Ռաբիեյն ընդգծել է, որ Իրանը «հետամուտ է իր ժողովրդի շահերին», եւ եթե պատժամիջոցներն անհապաղ հանվեն, իսկ միջուկային համաձայնագիրը վերականգնվի իր նախնական կարգավիճակով, ապա հնարավորություն կառաջանա բանակցությունների համար՝ Ռուսաստանի, Չինաստանի, ԱՄՆ-ի, Մեծ Բրիտանիայի, Ֆրանսիայի եւ Գերմանիայի մասնակցությամբ։

Տեղեկացված աղբյուրը Press TV-ին ներկայացրել է իրանական առաջարկի մանրամասները՝ ուղղված երկրի միջուկային ծրագրի շուրջ դիմակայության կարգավորմանը։

Նրա խոսքով՝ այս առաջարկի հիման վրա Իրանը կստորագրի օրենք Ատոմային էներգիայի միջազգային գործակալության լրացուցիչ արձանագրության մասին, ինչը կարագացնի քայլը, որը սկզբից եւեթ ենթադրվում էր անել 2023 թվականին 2015-ի գործարքի շրջանակում։

Փոխարենն Իրանը ցանկանում է, որպեսզի ԱՄՆ Կոնգրեսը հավանություն տա 2015 թվականի միջուկային համաձայնագրին եւ քվեարկի հակաիրանական բոլոր պատժամիջոցներն անհապաղ, այլ ոչ թե 2023-ին չեղարկելու մասին։