ԱՄՆ առաջնորդ Դոնալդ Թրամփի հետ բանակցություններց Իրանի նախագահ Հասան Ռոհանիի հրաժարվելը ռացիոնալ քայլ է: Այս մասին հայտարարել է Իրանի ԱԳՆ մամուլի քարտուղար Սեյեդ Աբաս Մուսավին, փոխանցում է Mehr-ը:
Նրա խոսքով՝ այս որոշումն է ընդունվել, չնայած մյուս կողմերի բազմաթիվ ջանքերին, Ռոհանին խելամիտ եւ որակյալ մոտեցում դրսեւորելով՝ որոշել է չհանդիպել իր ամերիկացի գործընկերոջ հետ:
Նա նշել է, որ Իրանի կառավարող շրջանակները միակարծիք են, որ հիմա, երբ առավելագույն ճնշման ներքո են եւ բախվում են տնտեսական ահաբեկչությանը, որը ոտնահարում է ավելի քան 83 միլիոն իրանցիների իրավունքները, ոչ միայն բանակցությունները, այլեւ «ԱՄՆ ահաբեկչական առաջնորդների հետ» սովորական հանդիպումն անհնարին է: Նա ընդգծել է, որ այս որոշումն ընդունվել է ըստ իշխանության դիրքորոշման:
Իրանի ԱԳՆ պաշտոնական ներկայացուցչի խոսքով՝ Իրանը մշտապես ցուցադրել է իր պատրաստակամությունը մյուսների հետ փոխգործակցություն եւ երկխոսություն հաստատելուն եւ ապացուցել, որ ինքը նպաստում է տարածաշրջանում եւ մոլորակում խաղաղությանն ու կայունությանը:
