Իրանը կքվեարկի ՄԱԿ-ի կենտրոնակայանն ԱՄՆ-ից այլ երկիր տեղափոխելու օգտին, եթե նման նախաձեռնություն լինի։ Պատասխանելով ՏԱՍՍ-ի թղթակցի հարցին, այդ մասին ՄԱԿ գլխավոր ասամբլեայի բարձր մակարդակի շաբաթվան իր մասնակցության արդյունքների մասին տրված մամուլի ասուլիսում հայտարարել է Իրանի նախագահ Հասան Ռոհանին։
Նա նշել է, որ երկկողմ հանդիպման հնարավորության համար Իրանը սպասում է, որ ԱՄՆ-ը հրաժարվի նախապայմաններից։
Խոսելով Իրանի միջուկային ծրագրի մասին՝ նախագահ Ռոհանին նշել է, որ Իրանը կշարունակի հրաժարվել միջուկային գործարքից բխող պարտավորություններից, եթե եվրոպացիները չսկսեն դրա համար վճարել։