News
Լրահոս
News
Ուրբաթ
Մարտ 29
Տեսնել լրահոսը

ԵՄ-ը մասնավոր կարգով Իրանին զգուշացրել է, որ ստիպված է նոյեմբերին հրաժարվել միջուկային համաձայնագրից, եթե Թեհրանը համաձայնագրի շրջանակում իր պարտավորությունների դադարեցման հարցով հետագա քայլեր ձեռնարկի, գրում է The Guardian-ը:

Իրանն արդեն զգուշացրել է պարտավորությունների դադարեցման հարցով մի քանի քայլերի մասին եւ մտադիր է եւս մեկը ձեռնարկել նոյեմբերին, եթե ԱՄՆ-ը չչեղարկի տնտեսական պատժամիջոցները:

ԵՄ-ը հայտարարել է, որ վեճերի լուծման պաշտոնական մեխանիզմում կներառի Իրանի կողմից պարտավորությունների չպահպանման հարցը, եթե պարտավորություններից հրաժարվելու Իրանի հաջորդ քայլը նշանակալի լինի:

Իրանում հայտարարում են, որ քայլեր են ձեռնարկում՝ ի պատասխան ամերիկյան պատժամիջոցների: Թեհրանում նշում են նաեւ, որ այդ գործողությունները դառնալի են, եթե Եվրոպան սկսի իրականացնել իր պարտավորությունները:

Ակնկալվում է, որ Իրանը կսկսի պարտավորությունների դադարեցման չորրորդ փուլը նոյեմբերի 7-ին:

Եվ եթե գործարկվի վեճերի կարգավորման մեխանիզմը, կողմերը 30 օր կունենան՝ չպահպանումը ապացուցելու համար: Եվ անհրաժեշտության դեպքում Իրանի դեմ պատժամիջոցները կվերականգնվեն:

Նման քայլը հարված կլինի ԵՄ-ի համար, որը ԱՄՆ-ի դուրսբերումից հետո փորձում է պահպանել համաձայնագիրը: Թրամփի վարչակազմը փորձում է ԵՄ-ին համոզել հրաժարվել այդ գործարքից:

Այս շաբաթ ԱՄՆ պետքարտուղար Մայք Պոմպեոն հայտարարել է, որ Սաուդյան Արաբիայի նավթային օբյեկտների վրա հարձակումներն «արթնացրեցին» Եվրոպային:

ԵՄ-ի նախազգուշացումն արվել է այն բանից հետո, երբ Ֆրանսիայի նախագահ Էմանուել Մակրոնին չի հաջողվել համաձայնության հասնել ԱՄՆ-ի եւ Իրանի հետ, ըստ որի՝ ԱՄՆ-ը պետք է չեղարկեր պատժամիջոցները, իսկ Թեհրանը՝ վերադառնար համաձայնագրի պահպանմանը: Մակրոնը հույս ուներ, որ վերոնշյալ հարձակումները ինչպես ԵՄ-ին, այնպես էլ ԱՄՆ-ին կստիպեին զիջումների գնալ: Սակայն Մակրոնի առաքելությունը ձախողվեց:

Ավելի վաղ Նյու Յորքում լրագրողների հետ զրույցում Իրանի նախագահ Հասան Ռոհանին ԱՄՆ-ին կոչ է արել «դադարեցնել առավելագույն ճնշման քաղաքականությունը»՝ ի շահ «երկխոսության, բանականության եւ տրամաբանության»:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ն Նիգերին մեղադրել է Իրանի հետ ուրանի վերաբերյալ գործարք պատրաստելու մեջ. WSJ
Նիգերը որոշել է խզել ռազմական համաձայնագիրը Վաշինգտոնի հետ...
Իրանը հայտնել է, որ պատրաստ է քննարկել միջուկային գործարքի վերականգնումը ԵՄ ցանկության դեպքում
Իրանը պատրաստ է քննարկել...
ԱՄՆ- ն Իրանում ուրանի մակարդակի հարստացման աշխատանքները ռազմական բնույթի է համարում
Իրանը կպաշտպանի իր միջուկային ծրագրի խաղաղ զարգացման իրավունքը. Ռաիսի
Միջուկային զենք ունեցող երկրները ձգտում են թույլ չտալ Իրանի ժողովրդին իրականացնել իր օրինական իրավունքը...
Իրանը բավարար քանակությամբ հարստացված ուրան ունի միջուկային մի քանի մարտագլխիկ ստեղծելու համար․ «ՄԱԳԱՏԷ»-ի տնօրեն
Գործակալությունը գրում է, որ Իրանը խափանում է իր միջուկային ծրագրի ուսումնասիրության ուղղությամբ ձեռնարկվող միջազգային ջանքերը․․․
ԱՄՆ-ը և Եվրոեռյակի երկրները կարծում են, որ Իրանի ուրանի հարստացման տեմպերը քաղաքացիական նպատակներով չեն բացատրվում 
Ինչպես հետևում է փաստաթղթից, Մեծ Բրիտանիայի, ԱՄՆ-ի, Ֆրանսիայի և Գերմանիայի իշխանությունները կարծում են, որ Ատոմային էներգիայի միջազգային գործակալության (ՄԱԳԱՏԷ) զեկույցում պարունակվող տվյալները վկայում են այն մասին...
Ամենաշատ