News
Լրահոս
News
Ուրբաթ
Հոկտեմբեր 18
USD
476.34
EUR
530.17
RUB
7.45
ME-USD
0.08
Տեսնել լրահոսը

Եվրամիությունը մեծ նշանակություն է տալիս Հայաստանի մշակութային ժառանգությանը: Այս մասին «Եվրոպական ժառանգության օրեր-2019» միջոցառման բացման ժամանակ հայտարարեց Հայաստանում ԵՄ պատվիրակության ղեկավար Անդրեա Վիկտորինը:

«Երջանիկ եմ լինել այստեղ, այս վայրը հայկական ճարտարապետության իսկական մարգարիտ է»,- Ամբերդ ամրոցում բացման ելույթում նշեց Վիկտորինը: 

ԵՄ դեսպանը հավելեց, որ եվրոպական ժառանգության օրերը հնարավորություն են տալիս ներկայացնելու Հայաստանի մշակութային ժառանգության բազմազանությունն ու հայկական ինքնության մասը կազմող հուշարձանները, պարերն ու երաժշտությունը:

Իր հերթին, ՀՀ կրթության, գիտության, մշակույթի եւ սպորտի նախարար Արայիկ Հարությունյանը նշեց, որ Հայաստանում մի շարք վայրերում եվրոպական ժառանգության օրերին նվիրված միջոցառումներ կանցկացվեն:

«Հայաստանի ողջ տարածքում մարդիկ կկարողանան ավելի շատ տեղեկություն ստանալ մեր ժառանգության մասին: Դա եւս մեկ հնարավորություն է ներկայացնելու մեր մշակույթը՝ որպես մեկ քաղաքակրթության մաս, եւ պատմելու հայկական արվեստի եւ ճարտարապետության մասին»,- ասաց նա:

ԵՄ դեսպանն ու նախարարը նշեցին զբոսաշրջության զարգացման կարեւոր մաս հանդիսացող մշակույթի ոլորտում բիզնես գաղափարների աջակցման կարեւորությունը:

«Մենք աջակցում ենք զբոսաշրջության ռազմավարության մշակման ջանքերը, քանի որ դա հավելյալ արժեք է բերում եւ տնտեսական զարգացման կարեւոր մաս է կազմում»,- նշեց Վիկտորինը: 

Նախարարն, իր հերթին, նշեց, որ ՀՀ կառավարությունը ջանքեր է գործադրում նման բիզնես գաղափարների զարգացման ուղղությամբ, քանի որ «անհրաժեշտ է ոչ միայն ներկայացնել սեփական արվեստը, այլ նաեւ հնարավորություն ունենալ վաճառել այն»:

Այս տարի եվրոպական ժառանգության օրերն անցկացվում են սեպտեմբերի 28-29-ը, տարբեր մշակութային միջոցառումներ, համերգներ, ցուցադրություններ, գրական եւ երաժշտական միջոցառումներ, կրթական ու ինտերակտիվ ծրագրեր կանցկացվեն Հայաստանի ողջ տարածքում ավելի քան 100 մշակութային կազմակերպություններում: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստան-ԵՄ նիստ. Բրյուսելում ստորագրվել է Արբիտրների ցանկը հաստատելու մասին որոշումը
ՀՀ-ԵՄ Առեւտրի հարցերով գործընկերության կոմիտեի երկրորդ նիստի ավարտին…
Brexit-ի անցումայինն շրջանը կերկարաձգվի մինչեւ 2020թ․ վերջը
Բրիտանիան կձգտի ԵՄ-ից դուրս գալուց հետո դաշինքի հետ կնքել ազատ առեւտրի մասին հավակնոտ համաձայնագի․․․
Բրիտանական ֆունտի փոխարժեքը կտրուկ բարձրացել է Brexit-ի հարցով նոր համաձայնագրի հասնելու մասին լուրից հետո
Հինգշաբթի բրիտանական ֆունտ սթերլինգի փոխարժեքը մյուս արժույթների նկատմամբ կտրուկ աճել է…
Մեծ Բրիտանիան եւ ԵՄ-ն Brexit-ի հարցով համաձայնություն են ձեռք բերել
Կողմերը մշակել են համաձայնագրի պաշտոնական տեքստը…
Բրեքզիթի հարցով համաձայնագիրը սպառնալիքի տակ է հայտնվել իռլանդական կուսակցության դիրքորոշման պատճառով
Մեծ Բրիտանիան պաշտոնապես դուրս կգա ԵՄ կազմից հոկտեմբերի 31-ին...
Բրյուսելում կայացել է Հայաստան-ԵՄ Աշխարհագրական նշումների ենթակոմիտեի առաջին նիստը
Նիստի ընթացքում կողմերը ներկայացրել են աշխարհագրական նշումների օրենսդրությունների եւ համապատասխան քաղաքականությունների շրջանակներում տեղի ունեցած վերջին զարգացումները...
Ամենաշատ
Ֆոտոռեպորտաժներ