News
Լրահոս
News
Հինգշաբթի
Մարտ 28
Տեսնել լրահոսը

Միջազգային հանրությունը պետք է դիմի Իրանին զսպելու վճռական քայլերի՝ հետագա էսկալացիա թույլ չտալու համար, որի հետեւանքը կարող է լինել նավթի գների չտեսնված թռիչքը: CBS հեռքուստաալիքի «60 րոպե» հաղորդման ժամանակ հարցազրույցում այսպիսի կարծիք է հայտնել Սաուդյան Արաբիայի թագաժառանգ արքայազն Մուհամմեդ բեն Սալման Ալ Սաուդը, փոխանցում է ՏԱՍՍ-ը:

«Տարածաշրջանում է կենտրոնացած էներգակիրների համաշխարհային պաշարների մոտ 30 տոկոսը, առեւտրային հոսքերի մոտ 20 տոկոսը, համաշխարհային ՀՆԱ-ի մոտ 4 տոկոսը: Պատկերացրեք, եթե այս ամենը դադարեցվի: Դա կնշանակի համաշխարհային տնտեսության լիակատար կործանում, ոչ միայն Սաուդյան Արաբիայի եւ մերձավորարեւելյան երկրների: Եթե աշխարհը չձեռնարկի Իրանին զսպելու վճռական քայլեր, մենք կհետեւենք հետագա սրման, որը կսպառա համաշխարհային շահերին: Նավթի մատակարարումները կընդհատվեն, նավթի գները աներեւակայերի չափով կբարձրանան, ինչը մեր կյանքում երբեք չենք տեսել»,- ասել է նա:

Ընդ որում՝ թագաժառանգ արքայազնն ասել է, որ հանդես է գալիս քաղաքական լուծման օգտին: «Քաղաքական եւ խաղաղ լուծումը միշտ ավելի լավ է, քան ռազմականը»,- պարզաբանել է նա: Նրա կարծիքով՝ ԱՄՆ ու Իրանի նախագահներ Դոնալդ Թրամփը եւ Հասան Ռոհանին պետք է նստեն բանակցությունների սեղանի շուրջ նոր համաձայնագիր կնքելու համար: «Սա այն է, ինչը խնդրում է նախագահ Թրամփը, սա այն է, ինչը բոլորս ենք խնդրում, բայց իրանցիները չեն ցանկանում նստել բանակցությունների սեղանի շուրջ»,- հավելել է նա:

Սեպտեմբերի 14-ի գիշերը հարձակում էր կատարվել սաուդյան ազգային նավթային ընկերություն Saudi Aramco-ի Աբկայկի եւ Հուրայսի ձեռնարկությունների վրա: Պատասխանատվությունը ստանձնել էին եմենյան «Անսար Ալլահ» շարժման խռովարար հուսիները՝ հայտարարելով, որ դիվերսիան իրագործելիս օգտագործել են պայթուցիկով լցոնված 10 անօդաչու թռչող սարքեր: Պայթյունների եւ հրդեհների հետեւանքով աշխարհում ամենախոշոր նավթ արտահանողի արդյունահանումը օրական 9,8 մլն բարելից նվազել է 5,7 մլն բարելի:

ԱՄՆ-ն, Սաուդյան Արաբիան, Մեծ Բրիտանիան, Ֆրանսիան եւ Գերմանիան հարձակման պատասխանատու են համարում Իրանին: Նրանց վարկածով՝ հարձակումը կատարվել է անօդաչուների եւ հրթիռների կիրառմամբ, ինչպիսիք հուսիների սպառազինության մեջ չկան: Թեհրանում այս մեղադրանքները հիմնազուրկ են անվանել:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամիսներ են պետք, որպեսզի Saudi Aramco-ն նորոգի գրոհի ենթարկված օբյեկտները. WSJ
Ամիսներ են անհրաժեշտ սաուդյան նավթային օբյեկտների նորոգման համար...
ԱՄՆ փոխնախագահը սենատորներին հայտնել է Իրանի դեմ հնարավոր միջոցառումների մասին
ԱՄՆ փոխնախագահ Մայքլ Փենսը ամերիկացի հանրապետական սենատորների համար փակ ճեպազրույց է անցկացրել…
Էր Ռիադը կներկայացնի նավթամշակման գործարանների վրա հարձակմանն Իրանի մասնակցության ապացույցներ
Կներկայացվի իրանական զենքը, որն օգտագործվել էր հարվածներ հասցնելիս…
Սաուդյան Արաբիան իրավունք է վերապահում իրեն պատասխանել Իրանին
Սաուդյան Արաբիան Եմենից Էր Ռիադի ուղղությամբ բալիստիկ հրթիռի արձակումը Իրանի կողմից դրսեւորված ագրեսիայի ակտ է որակել…
Իրանն ու Սաուդյան Արաբիան պատվիրակություններ կփոխանակեն
Պատվիրակությունների անդամները կայցելեն միմյանց դիվանագիտական առաքելություններ...
Քաղաքագետ․ Իրանի ու Սաուդյան Արաբիայի միջեւ միանգամայն հնարավոր է ուղիղ ռազմական բախում
Անհրաժեշտություն չկա գնահատել երկու երկրների միջեւ պատերազմի հավանականությունը, քանի որ այն արդեն վաղուց է ընթանում․․․
Ամենաշատ