Բիթքոինի՝ աշխարհում ամենաթանկ եւ ամենատարածված կրիպտոարժույթի փոխարժեքն ընկել է 8 հազար դոլարից ներքեւ։ Շաբաթվա ընթացքում այն իջել է մոտավորապես 20 տոկոսով։
Դա շաբաթվա ամենաէական նվազումն է ընթացիկ տարում, տեղեկացնում է «Ինտերֆաքսը»։
Միեւնույն ժամանակ, շուկայում գլխավոր թվային մետաղադրամի բաժինը կրճատվել է 67,5 տոկոսով։ Կապիտալացման գծով ամենամեծ կրիպտոարժույթների մեծամասնությունն այժմ «կարմիր գոտում» է, նշում է ՌԲԿ-ն։
Ի դեպ, Morgan Creek Capital Management-ի գլխավոր տնօրեն Մարկ Յուսկոն կարծում է, որ բիթքոինի փոխարժեքի տատանումները նորմալ երեւույթ են։
Հիշեցնենք, որ այս կրիպտոարժույթի առավելագույն պատմական արժեքը գրանցվել է 2017 թվականի դեկտեմբերին։ Այդ ժամանակ բիթքոինի գինը գերազանցում էր 20 հազար դոլարը։ Հետո այն սկսեց իջնել 41 տոկոսով եւ 2018 թվականի հունվարի կեսին վաճառվում էր նվազագույն (դեկտեմբերի սկզբից) արժեքով՝ 12 հազար դոլար։ Բայց հետո այն թանկացավ՝ հունիսի վերջին հասնելով տարեկան առավելագույնին՝ 13 հազար 770 դոլարի։