Իրանը պատրաստ է աջակցել Հայաստանով բեռնափոխադրումների մեծացման ջանքերին: Սեպտեմբերի 30-ին «Մեծ Եվրասիան անդրմայրցամաքային տրանսպորտային կապերի զարգացման ենթատեքստում» թեմատիկ նստաշրջանի ժամանակ ասաց Իրանի ճանապարհների եւ քաղաքաշինության նախարար Մոհամմեդ Էսլամին:
Նրա խոսքով՝ երկաթուղիների խնդրով ինքը նախնական բանակցություններ է վարել Հայաստանի տարածքային կառավարման եւ ենթակառուցվածքների նախարար Սուրեն Պապիկյանի հետ: «Ընկերություններ կան, որոնք ցանկանում են աշխատել Հայաստանում, եւ մենք պատրաստ ենք նրանց աջակցել: Կարեւոր է, որ բեռնափոխադրումների ծավալը մեծանա»,- նշեց նա՝ հավելելով, որ այսօր Իրանը կարեւորում է նոր երկաթուղիների միջոցով առեւտրային շարժունության մեծացմանը:
Նախարարը նշեց, որ համագործակցության զարգացման համար, այդ թվում՝ ԵՏՄ-ում, անհրաժեշտ է ձգտել առեւտրի ազատականացմանը եւ Իրանում լոգիստիկայի զարգացմանը, որը կընդգրկի 60 քաղաքներ եւ բնակավայրեր: «Սա կդյուրացնի Հնդկաստանից եւ Չինաստանից ապրանքների փոխադրումը Ռուսաստան եւ Եվրոպա: Այսպիսի մոտեցումը հատկապես հետաքրքիր է այն երկրներին, որոնք դեպի ծով ելք չունեն»,- հավելեց Մոհամմեդ Էսլամին:
