News
Լրահոս
News
Երեքշաբթի
Նոյեմբեր 19
USD
477.31
EUR
528
RUB
7.48
ME-USD
0.06
Տեսնել լրահոսը

Գեղարքունիքի մարզի Վանեվանի համայնքապետ է ընտրվել նախկին գյուղապետ Նորայր Հարությունյանի որդին՝ Իգոր Հարությունյանը, ընտրության արդյունքները համայնքի բնակիչների մեջ դժգոհություն են առաջացրել։ Այսօր՝ սեպտեմբերի 30-ին, NEWS.am-ի ի հետ զրույցում Վանեվան համայնքի ավագանու անդամ Գոհար Գալստյանն ասաց, որ Իգոր Հարությունյանն իր ազգականներին գրանցել է Վանեվան համայնքում, որպեսզի մասնակցեն ընտրություններին.

«Իր ազգականներին բերել է, գրանցել է Վանեվան համայնքի վրա, ընտրությունն արել են, գնացել են: Իրենք գյուղի բնակիչ չեն, մենք իրենց չենք ճանաչում։ Գյուղի բնակիչները ուզում էին գյուղապետի պաշտոնին տեսնել Էմին Սարգսյանին, բայց խաբեությամբ անցավ նախկին գյուղապետի որդին։ Հայրն իր պաշտոնը հանձնեց որդուն»։

Ավագանու անդամն ասաց, որ բնակիչները պատրաստվում են բողոքարկել. «Այսպես չենք թողնելու»։

Նշենք, որ համայնքապետի ընտրություններին իրենց թեկնածությունն էին ներկայացրել Էմին Սարգսյանը եւ Իգոր Հարությունյանը։ Իգոր Հարությունյանը հավաքել է 104, իսկ Էմին Սարգսյանը՝ 102 ձայն։

Ավելի վաղ հայտնել էինք, որ երեկ տեղական ինքնակառավարման մարմինների ընտրություններ են անցկացվել Արագածոտնի, Արարատի, Արմավիրի, Գեղարքունիքի, Լոռու, Տավուշի եւ Շիրակի մարզերի 19 համայնքում, որոնցից 13-ում ընտրությունները հերթական են, իսկ 6-ում՝ արտահերթ: Նշված համայնքներից 12-ում ընթանում են միայն համայնքի ղեկավարի, 6 համայնքում` միայն ավագանու անդամի, եւ մեկ համայնքում միաժամանակ անց են կացվել համայնքի ղեկավարի եւ ավագանու անդամի ընտրություններ:

Հիշեցնենք, որ 6 ամիս առաջ Վանեվան համայնքի բնակիչները բողոք ակցիա էին իրականացնում՝ պահանջելով համայնքապետ Նորայր Հարությունյանի հրաժարականը։ Նորայր Հարությունյանն այդ պաշտոնում ընտրվել էր 2018 թվականի հունիսի 10-ին: «Տեղական ինքնակառավարման մասին» օրենքի 26-րդ հոդվածի 1-ին մասի 7-րդ կետով նախատեսված հիմքով, այն է՝ համայնքի ղեկավարի կողմից վեց ամիս անընդմեջ ավագանու նիստ չհրավիրելու, ս.թ. ապրիլի 13-ին Վանեւան համայնքի ավագանին ընդունել է համայնքի ղեկավարի լիազորությունները դադարեցնելու մասին որոշում:

Տպել
Կարդացեք նաև
Ամբողջը
«Հրապարակ». Սասուն Միքայելյանի թեկնածուն Փարաքարում պարտվեց դատվածություն ունեցողին
Հակառակ պատկերն է Արմավիրի Փարաքար համայնքում...
Լճափում գյուղապետ է ընտրվել 25-ամյա Արսեն Հովսեփյանը
Գյուղապետ է ընտրվել անկուսակցական 25-ամյա Արսեն Հովսեփյանը…
Թեժ պայքար Տանձուտում. վերընտրվել է նախկին անկուսակցական համայնքապետը
Թեկնածուներից Էդուարդ Մարգարյանը ստացավ՝ 290, Արարատ Բարիկյանը՝ 191…
Մրգանուշում վերընտրվել է դաշնակցական նախկին գյուղապետը
Նշենք, որ Մանվել Սարգսյանը պաշտոնավարում է 1998 թվականից…
Ղազարավանում վերընտրվել է համայնքի ՀՀԿ-ական ղեկավարը
Նշենք, որ Հայկ Ասատրյանը համայնքի ղեկավար է 2011 թվականից սկսած…
Կարող ենք ունենալ համայնքներ, որտեղ կլինեն համամասնական ընտրակարգով ընտրություններ. Պապիկյան
Դա նաեւ թույլ կտա, որ ավագանին համապատասխան ընթացակարգով վաղաժամկետ դադարեցնի համայնքապետ լիզորությունները եւ ընտրի նոր համայնքապետ…