Ուկրաինայի նախագահի արտահաստիքային խորհրդական Իգոր Նովիկովը «Ինչի մասին են խոսում տղամարդիկ» ծրագրի հարցազրույցում պատմել է, որ դեմ չէր լինի ինտիմին ռոբոտի հետ, փոխանցում է «Ուկրաինսկիե նովոստի» պարբերականը։
Ծրագրում Նովիկովը եւ հաղորդավար Աննա Բալենտը քննարկել են սեքս-ռոբոտ Սամանտային, որին սովորեցրել են մերժել մերձենալու փորձերը։ Դրա համար հատուկ տվիչներ են տեղադրել, որոնք գրանցում են կոպիտ հպումներն ու անհարգալից վերաբերմունքը։
Նովիկովը կարծում է, որ ռոբոտները չեն գոյատեւի որպես զանգվածային երեւույթ։ «Դա բացը լրացնող խաղալիք կլինի, որը մակրոիրադարձությունների վրա ազդեցություն չի ունենա»,- նշել է նա։
Հաղորդավարուհին նրան հարցրել է՝ կփորձե՞ր արդյոք ինքը սեքս ունենալ ռոբոտի հետ հանուն ապագան ավելի լավ հասկանալու։ «Կնոջս համաձայնությամբ, կարծում եմ՝ այո»,- ասել է Նովիկովը։
