2020-ի հունվարին Էկվադորը կլքի Նավթ արտահանող երկրների կազմակերպությունը (ՆԱԵԿ): Էկվադորի էներգետիկայի եւ չվերականգնվող բնական ռեսուրսների նախարարության հաղորդմամբ՝ պատճառը արտաքին մարտահրավերներն են՝ կապված հարկային անկայունության հետ: Բացի այդ, կազմակերպությունը լքելուց հետո երկիրը մտադիր է կրճատել պետական ծախսերն ու մեծացնել եկամուտները:
Ընդ որում, Էկվադորի կառավարությունը խոստանում է աջակցել նավթի համաշխարհային շուկայի կայունացմանն ուղղված բոլոր ջանքերը, ինչպես նաեւ երաշխավորել էներգիայի նկատմամբ բոլոր երկրների հավասար հասանելիությունը, հաղորդում է ՌԻԱ Նովոստին:
2018-ի օգոստոսին Էկվադորը օրական 537 հազար բարել նավթ է արդյունահանել: Երկիրը միացել էր ՆԱԵԿ-ին 1973-ին:
Էկվադորը մասնակցում է ՆԱԵԿ+ նավթի արդյունահանման կրճատման գործարքին, որը գործում է 2017-ից: Գործարքը երկիրը պարտավորվել էր 16 հազար բարելի չափով կրճատել արդյունահանումը, ինչը կազմում էր օրական մինչեւ 508 հազար բարել:
«Հաջողություն ենք մաղթում ՆԱԵԿ-ին այն կարեւոր գործում, որը նա իրականացնում է 1960-ից՝ հօգուտ նավթ արտադրող երկրների եւ նավթի սպառողների»,- ասվում է կազմակերպությունը լքող Կիտոյի հաղորդագրության մեջ: