Ադրբեջանի խանդոտ բնակիչը կնոջ երեւակայական սիրեկանների որս է սարքել։

1news.az-ը տեղեկացնում է, որ 51-ամյա Արշին Գուլիեւը դանակի բազմաթիվ հարվածներ է հասցրել 47-ամյա Իլհամ Հաշիմովի կրծքին, կոկորդին եւ որովայնին։ Վերջինս արյունահոսությունից տեղում մահացել է։

Սպանությունից հետո Գուլիեւը թաքնվել է հանցանքի վայրից եւ գնացել է այլ շրջան, որտեղ հարձակվել է 61-ամյա Ֆիզուլի Շիրինովի վրա՝ դանակով հարվածելով նրա կրծքին։ Տուժածը ծանր վիճակով տեղափոխվել է վերակենդանացման բաժին։

Փաստի առթիվ հարուցվել է քրեական գործ, կատարվում է հետաքննություն։ Պարզվել է, որ Արշին Գուլիեւը աշխատում է ծովում եւ երկար ժամանակ տանը չի լինում։ Նա կասկածել է, որ կինը դավաճանում է իրեն Հաշիմովի եւ Շիրինովի հետ, այդ պատճառով հարձակվել է նրանց վրա։