Արցախի եւ Ադրբեջանի ԶՈւ շփման գծում իրավիճակն ընդհանուր առմամբ ավելի լավ է, եթե համեմատենք մեկ, երկու տարի առաջվա վիճակի հետ, էլ չեմ ասում ապրիլյան պատերազմի մասին, հիմա, իհարկե, ավելի կայուն է։ Այս մասին ասաց Արցախի նախագահի աշխատակազմի ղեկավարի տեղակալ, նախագահի աշխատակազմի գլխավոր տեղեկատվական վարչության պետ Դավիթ Բաբայանը՝ NEWS.am-ի թղթակցի խնդրանքով մեկնաբանելով իրավիճակը շփման գծում։
Նրա խոսքով՝ սադրանքներն ու հրադադարի ռեժիմի խախտումներն ավելի քիչ են։ «Չնայած վերջին մեկ-երկու ամսում հաճախակիացել են դիվերսիոն-հետախուզական ներթափանցումների փորձերը։ Դրանք բոլորն արդյունավետորեն կանգնեցվում են Արցախի Պաշտպանության բանակի ուժերի կողմից եւ կանխվում են»,- փաստել է Դավիթ Բաբայանը։